चेला चिब्मैंए केमैं 7:2 - परमेश्‍वरए ताँ तमु क्युइर

² चइ बिइ, “ओ ङए आबामैं, आघें-अलिमैं, ङए ताँ थेद्। थेबै मान मुँबै परमेश्‍वरजी ङ्योए खे अब्राहाम हारानर टिब् भन्दा ओंसोंन् मेसोपोटामियार च ङाँर म्रोंयुसि

चेला चिब्मैंए केमैं 7:2 ပူးပေါင်းရင်းမြစ်များ

उत्पत्ति 11:31

तेरहइ ह्रोंसए च्ह अब्राहम हरानए च्ह ह्रोंसए क्वें लोत नेरो अब्राहमए प्ह्रेंस्यो ह्रोंसए चों साराई किंसि कल्दिमैंए ऊर बिबै क्ल्‍योंउँइँले कनान ह्‍युलर ह्‍याब् बिसि चमैं बालुन् त्होंइ। दिलेया हरान बिबै क्ल्ह्‍योर फेनेसि चर्न टिइ।

उत्पत्ति 12:1

याहवेहजी अब्रामने बिइ, “क्हिए ह्‍युल, क्हिए ङ्‍हेब्-ट्हु नेरो क्हिए आबाए धिंउँइँले त्होंसि ङइ तेंबै ह्‍युलर ह्‍याद्।

उत्पत्ति 12:5

अब्राम ह्रोंसए प्ह्रेंस्यो साराई, ह्रोंसए अलिए च्ह लोत नेरो खेंमैंइ हरानर खागु लबै सै न्होर नेरो केब्-केब्स्योमैं किंसि कनान ह्‍युलउँइँ ह्‍याइ धै चमैं कनानर फेनेइ।

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

उत्पत्ति 29:4

याकूबइ चमैंने “ओ अलिमैं, क्हेमैं खनिर्बै जा?” बिसि ङ्योएमा चमैंइ बिइ, “ङि हरानथेंमैं ग।”

भजनमैं 24:10

मान लल् त्हुबै म्रुँ खाब् जा? स्वर्गर्बै सेनामैंए चिब याहवेहन् ग! खीन् मान लल् त्हुबै म्रुँ ग। तिस्याँदे मैंन्

भजनमैं 24:7

ओ मुल् म्रामैं, मान लल् त्हुबै म्रुँ होंरिगे बिसि क्हेमैंए क्र कैंडो लद्! ओ स्योंम्बै म्रामैं, नुब् तद्!

भजनमैं 29:3

याहवेहए कै मा ङ्युँइ फिर थेल् खाँम्, मान पिंल् त्हुबै परमेश्‍वर बेल्‍ले ओरम्, याहवेह थेबै कैले मा ङ्युँइए फि-फि ओरम्।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

लूका 2:14

“स्वर्गरि परमेश्‍वए मिं थेब तरिगे, धै पृथ्‍बीरि खीजी त्‍हाँबै म्‍हिमैंने शान्‍ति तरिगे!”

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 12:41

यशैयाइ येशूए थेबै मान म्रोंसि खीए बारेर चु ताँ बिल।

चेला चिब्मैंए केमैं 22:1

“ओ आघें-अलि नेरो आबामैं, ङइ क्हेमैंए उँइँर बिल् त्हुबै ताँ तारे थेमिंन्।”

चेला चिब्मैंए केमैं 23:7

चइ छ बिबै लिउँइँ फरिसीमैं नेरो सदुकीमैंए सैं ख्रेलेयासि चमैं आक्ह्रि।

चेला चिब्मैंए केमैं 7:1

झाइले ख्रो पिंबै खेगि क्रथेइ स्‍तिफनसने “चु छ्याब् ल्हैदिबै ताँ क्ह्रोंसेंन् वा?” बिसि ङ्योएइ।

१ कोरिन्थी 2:8

चु ह्‍युलर ग्याल्स लब्मैंइ चु ताँ आक्होल। चमैंइ चु ताँ क्होस्याँ ताँन् भन्दा थेबै प्रभुलाइ क्रूसर आच्योवामल।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

तीतस 2:13

छाबै छ्ह थोमा ङ्योइ थेंबै आशा तो जा बिस्याँ: ङ्योए ताँन् भन्दा थेबै परमेश्‍वर ङ्योलाइ जोगेमिंबै येशू ख्रीष्‍ट थेबै मानले युबै त्हिंइ पैंरिब् ग।

हिब्रू 1:3

परमेश्‍वरए ह्‍वे खीए च्हनेन् चारमुँ, परमेश्‍वर खैब मुँ खी या छाबन् मुँ। धै मु नेरो पृथ्‍बी खीए शक्‍ति मुँबै बचनइ धाँदिइमुँ। म्‍हिमैंए पाप त्होमिंबै के लल् खाँसि खी ताँन् भन्दा थेबै शक्‍ति मुँबै परमेश्‍वरए क्‍योलोउँइँ नुबै क्ल्ह्‍योर टिइमुँ।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

याकूब 2:1

ओ ङए अलि-अङाँमैं, ताँनइ म्हाँदिल् त्हुबै ङ्योए प्रभु येशू ख्रीष्‍टए फिर क्हेमैंइ बिश्‍वास लइमुँ। छतसि क्हेमैंइ खाबलाज्यै आफेलद्।

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”