चेला चिब्मैंए केमैं 7:16 - परमेश्‍वरए ताँ तमु क्युइर

¹⁶ चमैंए सिनु शकेमर बोइ, धै अब्राहामइ ओंसोंन् शकेमर हामोरए च्हमैंने सै फोसि किंबै छगोंर पाइ।

चेला चिब्मैंए केमैं 7:16 ပူးပေါင်းရင်းမြစ်များ

उत्पत्ति 23:16

छबिमा अब्राहामइ एप्रोनए ताँ ङिंइ। छतसि चइ हित्तीमैंए उँइँर एप्रोनइ बिब् धों प्रेन् चाँदिए मुइ प्लिब्ब्र च त्हेर चल्दिबै पारइ क्वेसि पिंइ।

उत्पत्ति 23:4

“ङ अरू ह्‍युलउँइँले खसि क्हेमैंए म्हाँजोर टिइमुँ। ङए प्ह्रेंस्यो सियाइ। छतसि सिनु पाबै छगोंए ल्हागिर क्ल्ह्‍यो घ्रि ङने चुँन् ओ।”

उत्पत्ति 35:19

छले राहेल सिइ, धै एप्रात अथवा बेथलेहेम ह्‍याबै घ्याँर चमैंइ पाइ।

उत्पत्ति 47:30

ङए खेमैं-माँमैं मुँबै क्ल्ह्‍योर्न ङए छगों तरिगे। छतसि ङ सियामा मिश्रउँइँले बोसि ङए खेमैं पाबै क्ल्ह्‍योर्न ङ पाद्।” योसेफइ आबाने बिइ, “क्हिइ बिब् धोंलेन् ङइ लस्यो आबा।”

उत्पत्ति 50:12

छले याकूबइ चमैंने बिब् धोंले चए च्हमैंइ लइ।

उत्पत्ति 50:13

चए च्हमैंइ चए सिनु कनानर बोसि अब्रामइ हित्ती एप्रोनने किंबै मम्रें ङाँर्बै मकपेलार्बै उर पाइ।

प्रस्थान 13:19

ओंसों ओंसों योसेफइ इस्राएलीमैंने “परमेश्‍वरजी क्हेमैंए ल्हागिरि क्‍ह्रोसेन्ले ल्होमिंब् मुँ। च त्हेर क्हेमैंइ ङए ह्रुइबमैं छुउँइँले बोयाद्,” बिसि चु ताँर कसम चबर ल्हैदिल। छतसि मोशाइ योसेफए ह्रुइबमैं बोसि ह्‍याइ।