चेला चिब्मैंए केमैं 7:10 - परमेश्‍वरए ताँ तमु क्युइर

¹⁰ परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।

चेला चिब्मैंए केमैं 7:10 ပူးပေါင်းရင်းမြစ်များ

उत्पत्ति 39:21

दिलेया याहवेह योसेफने बालु मुँल। खीजी चए फिर ल्हयो खइ, छतसि योसेफ झेलर्बै चिबइ खोबै म्हि तल् पिंइ।

उत्पत्ति 42:6

च त्हेर योसेफ मिश्रर्बै क्रथे मुँल। ह्‍युलर्बै ताँन् म्हिमैंने म्‍ल्ह नारिमैं चुँब या चन् मुँल। छतसि योसेफए आघेंमैं खसि क्र कुरदै चलाइ फ्योइ।

उत्पत्ति 44:18

दिलेया यहूदा योसेफए उँइँर ह्‍यासि बिइ, “ओ ङए प्रभु, ङ यो छ्युँ लमुँ क्हिए केब्छैंइ ताँ घ्रि बिल् पिंन्। क्हि म्रुँ धों तबै थेबै म्हि ग दिलेया क्हिए केब्छैंने बालु ह्रिस आखमिंन्।

उत्पत्ति 48:16

ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 37:40

याहवेहजी चमैंलाइ ल्होमिंसि जोगेमिंम्; खीजी दुष्‍टमैंउँइँले चमैं फ्रेमिंम् धै चमैंलाइ रक्षा लम्, तलेबिस्याँ चमैंइ खीए प्हलेर्न चमैंइ ग्वार योंम्।

हितोपदेश 16:7

क्हिइ याहवेहलाइ सैं तोंन् लस्याँ खीजी शत्तुरमैंलाज्यै या क्हिए थु लमिंब्मुँ।

हितोपदेश 2:6

तलेबिस्याँ याहवेहजीन् म्हिमैंलाइ बुद्धि पिंम्, खीए सुँउँइँले ज्ञान बुद्धिए ताँमैं त्होंम्;

हितोपदेश 3:4

छ लइबिस्याँ परमेश्‍वर नेरो म्हिमैंउँइँले क्हिइ थेबै मान योंब्मुँ।

२ तिमोथी 4:18

प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।

दर्शन 7:14

ङइ चने बिइ, “ओ चिब, ङलाइ था आरे। चु ताँ क्‍हिजीन् सेइमुँ।” चइ ङने बिइ, “चमैं थेबै दुःख सैदिसि खब्‍मैं ग। चमैंइ ह्रों-ह्रोंसए क्‍वेंमैं क्‍यु च्हजए कोर ख्रुसि फोस्रे ब्योंब लइमुँ।