चेला चिब्मैंए केमैं 6:3 - परमेश्‍वरए ताँ तमु क्युइर

³ छतमा ओ अलि-अङाँमैं, क्हेमैंए न्होंउँइँलेन् पबित्र प्ल्हजी नेरो बुद्धिइ प्लिंब धै ताँनइ म्हाँदिबै म्हि ङिउँलो त्हाँन्। धै ङ्योइ चमैंलाइ चु चब् चुबै के पिंले।

चेला चिब्मैंए केमैं 6:3 ပူးပေါင်းရင်းမြစ်များ

प्रस्थान 18:21

दिलेया म्हिमैंए न्होंउँइँले ह्रब्-सेबै म्हिमैं त्हाँन्। चमैं परमेश्‍वरने ङ्हिंब्मैं, बिश्‍वास योग्यर्बै म्हिमैं, आछ्याँबै केमैं आलब छ्याँबै के लबै म्हिमैं तल् त्हुम्। चमैं हजार-हजार, प्र-प्र, ङ्‍हच्यु-ङ्‍हच्यु नेरो च्यु-च्युए फिर चिब तबर त्हाँन्।

मत्ती 23:8

“दिलेया खाबज्यै या क्‍हेमैंने ‘गुरु’ आबिरिगे, तलेबिस्याँ क्‍हेमैंलाइ लोमिंबै गुरु घ्रि मत्‍त्रे मुँ, छतसि क्‍हेमैं ताँन् आघें-अलिमैं ग।

यूहन्‍ना 21:23

छतसि च चेला सिरिब आरे बिबै ताँ अरू अलिमैं न्होंर थेनेइ। दिलेया येशूजी “च आसि” आबिल। “ङ आयुन् समा च सोरिगे बिब ङए सैं मुँलेया क्‍हिलाइ च ताँ तले चैदिइ?” बिसि खीजी बिल।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 1:21

छतसि प्रभु येशू ङ्योए म्हाँजोर मुँमा खोंयोंन् बिलै ङ्योने बालु मुँबै म्हि घ्रि त्हाँल् त्हुम्।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

चेला चिब्मैंए केमैं 16:2

लुस्‍त्रा नेरो आइकोनियर्बै प्रभुए फिर बिश्‍वास लबै अलि-अङाँमैंए म्हाँजोर चला छ्याँबै बयन नेरो मिं चल्दिब मुँल।

चेला चिब्मैंए केमैं 2:4

छतमा चमैं ताँन् परमेश्‍वरए पबित्र प्ल्हजी प्लिंयाँइ, धै पबित्र प्ल्हजी पिंबै शक्‍तिउँइँले चमैंइ स्यो-स्योबै क्युइर पोंबर होंइ।

चेला चिब्मैंए केमैं 22:12

“चर हननिया बिबै म्‍हि घ्रि मुँल। चइ मोशाइ पिंबै ठिम बेल्‍ले छेनाले म्हाँदिमल। धै दमस्कसर टिबै ताँन् यहूदीमैंइ चए मान लमल।

चेला चिब्मैंए केमैं 28:14

चर ङिइ प्रभुए फिर बिश्‍वास लबै अलि-अङाँमैं त्होइ। चमैंइ “सद घ्रि समा ङिने टिमिंन्” बिइ। छतसि ङि ङिरो चमैंनेन् टिबै लिउँइँ ङि रोम बिबै सहरर फेखइ।

चेला चिब्मैंए केमैं 6:2

छतमा च्युसे ङ्हिं कुल्मिंबै चेला चिब्मैंइ प्रभुए चेलामैं ताँन् हुइसि चमैंने बिइ, “परमेश्‍वरए ताँ बिप्रब पिसि ङि चब् थुँबै लिलि प्रब छ्याँब आत।

चेला चिब्मैंए केमैं 6:5

चु ताँ थेसि चर खागु तब्मैं ताँनइ छ्याँब ङ्हाँइ झाइले चमैंइ पबित्र प्ल्हजी प्लिंब नेरो ताँनइ म्हाँदिबै, स्तिफनस, फिलिप, प्रखरस, निकनोर, तिमोन, पर्मिनास नेरो एन्‍टिओखियार्बै येहूदिमैंने क्ह्रिबै निकोलाउस त्हाँइ।

चेला चिब्मैंए केमैं 6:6

चमैंइ च त्हाँबै म्हिमैं कुल्मिंबै चेला चिब्मैंए उँइँर पखइ धै कुल्मिंबै चेला चिब्मैंइ चमैंए फिर यो थेंसि प्राथना लमिंइ।

चेला चिब्मैंए केमैं 9:30

चु ताँ था सेसि येशूए फिर बिश्‍वास लबै आघें-अलिमैंइ शाऊल कैसरियार पखइ, धै च क्ल्ह्‍योउँइँले टार्ससर कुल्मिंइ।

१ कोरिन्थी 12:8

पबित्र प्ल्हउँइँले कोइइ ज्ञान-बुद्धि मुँबै ताँ पोंबै भों योंइमुँ, कोइइ परमेश्‍वरए बारेर्बै छ्याँबै ताँमैं पोंबै भों योंइमुँ,

१ कोरिन्थी 16:3

धै ङ खसि क्‍हेमैंइ त्‍हाँबै म्हिमैंए योर्न प्ह्रिछ्या पिंसि क्हेमैंइ स्योबै मुइ पिंनेबर चमैं यरूशलेमर कुल्‍मिंब्‍मुँ।

एफिसी 5:18

प्हाइ आम्हेरद्, तलेबिस्याँ च म्हिए सैं न्होवाबै सै ग। बरु परमेश्‍वरए पबित्र प्ल्हजी प्लिंसि खीए न्होंर टिद्।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

३ यूहन्‍ना 1:12

ताँन् म्‍हिमैंइ डेमेत्रियसए बारेर छ्याँबै बयन लम्। क्ह्रोंसेंन्‍बै ताँइ बिब् धोंले च प्रबइले च छ्याँबै म्हि ग बिसि बयन लम्। ङिज्‍यै या चए बारेर छ्याँबै ग्वाइ पिंम्, झाइले ङिइ बिबै ताँ क्ह्रोंसेंन्बै ग बिसि क्‍हिइ सेइमुँ।