चेला चिब्मैंए केमैं 6:14 - परमेश्‍वरए ताँ तमु क्युइर

¹⁴ नासरतर्बै येशूइ चु मन्दिर नास लवासि मोशाइ ङ्योने पिंबै ठिममैं या फेर्दिवाम् रो बिब ङिइ थेइ!”

चेला चिब्मैंए केमैं 6:14 ပူးပေါင်းရင်းမြစ်များ

मत्ती 26:61

“चु म्‍हिइ ‘ङइ परमेश्‍वरए मन्दिर फुवासि धबै सोंगैंर बनेल् खाँम्,’ बिइ।”

मर्कूस 14:58

“‘म्‍हिमैंइ बनेबै चु मन्दिर फुवासि म्‍हिए योइ आबनेबै अर्को मन्दिर ङइ सोंरोर्न बनेब्‍मुँ,’ बिब ङिइ थेइ।”

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

लूका 21:6

“क्‍हेमैंइ चु ताँन् सैमैं तोगो म्रोंइमुँ, दिलेया तिगें चु ताँन् फुयाब्‍मुँ। युँमा घ्रिए फिर अर्को युँमा आचैल्‍ले नास तयाब्‍मुँ।”

यूहन्‍ना 2:19

येशूजी चमैंने बिइ, “औदिबै के म्रोंदा ङ्हाँस्‍याँ क्हेमैंइ चु मन्दिर फुवाद्, धै ङइ सोंरोर्न चु बनेमिंब्मुँ।”

यूहन्‍ना 4:21

येशूजी चने बिइ, “ओ नानि, ङए फिर बिश्‍वास लद्, च त्हे खसिन् मुँ, च त्हेर क्हेमैंइ परमेश्‍वरए मिं क्‍वेबर चु कोंरै ह्‍याल् आत्हु, यरूशलेमरै या ह्‍याल् त्हुरिब् आरे।

चेला चिब्मैंए केमैं 15:1

छले एन्टिओखियार टिरिमा यहूदीया ह्‍युलउँइँले को-कोइ म्हिमैं चर युसि येशूए फिर बिश्‍वासीमैंने, “मोशाए ठिमर प्ह्रिब् धोंले क्हमैंलाइ ज्युर चिनु आललै बिस्याँ क्हेमैंइ खोंयोंन् बिलै आखाँबै छ्ह योंल् आखाँ,” बिसि लोमिंबर होंइ।

चेला चिब्मैंए केमैं 21:21

दिलेया चमैंइ क्हिए बारेर स्योलिबै ताँ थेइ। ‘मोशाइ पिंबै ठिम पिवाद्, धै कोलोमैंए ज्युर चिनु आलद्, यहूदी रोस आम्हाँदिद्,’ बिसि क्हिइ अरू ह्रेंमैंए म्हाँजोर टिबै यहूदीमैंलाइ लोमिंइँमुँ रो।

चेला चिब्मैंए केमैं 25:8

पावलइ ह्रोंसए बारेर पोंदै छ बिइ, “ङइ यहूदीमैंए ठिमए बिरोधर, मन्दिरए बिरोधर नेरो कैसरए बिरोधर तोइ आछ्याँबै के आलइमुँ।”

चेला चिब्मैंए केमैं 26:3

यहूदीमैंए ताँन् रोसमैं नेरो छलफल लबै ताँमैं क्हिइ छेनाले सेइमुँ। छतसि गार आम्हाँदिल्‍ले ङए ताँ थेमिंन् बिसि ङ यो छ्युँ लमुँ।

चेला चिब्मैंए केमैं 28:17

सोंरो लिउँइँ पावलइ चर्बै यहूदीमैंए चिबनाँब्मैं हुइसि खागु लइ। चमैं खागु तबै लिउँइँ पावलइ चमैंने बिइ, “ओ अलिमैं, ङ्योए ह्‍युलर्बै म्हिमैं नेरो ङ्योए खेमैंए रोसमैंए बिरोधर ङइ तोइ आछ्याँबै के आलल। दिलेया म्हिमैंइ ङ यरूशलेमर क्हासि रोमीमैंए योर पिंवाइमुँ।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 3:23

ङ्योइ ख्रीष्‍टउँइँले खबै सैं तोंबै ताँ आथेन् समा ङ्यो ठिमए न्होंर्न मुँल। ठिमइ ङ्योलाइ कैदिमैं धोंलेन् च्‍युथेंल।