चेला चिब्मैंए केमैं 5:39 - परमेश्‍वरए ताँ तमु क्युइर

³⁹ दिलेया चु के परमेश्‍वरउँइँले तब् ग बिस्याँ क्हेमैंइ चु म्हिमैंने ‘चु के आलद्’ बिल् आखाँ। आस्याँ क्हेमैं या परमेश्‍वरए बिरोधर राब्मैं तब्मुँ।”

चेला चिब्मैंए केमैं 5:39 ပူးပေါင်းရင်းမြစ်များ

उत्पत्ति 24:50

च लिउँइँ लाबान नेरो बतूएलइ बिइ, “चु ताँ याहवेहउँइँलेन् तब् ग। छतसि ङि क्हिने छ्याँब आछ्याँब तोइ बिल् आखाँ।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

लूका 21:15

तलेबिस्याँ ङइ क्‍हेमैंलाइ छाबै ज्ञान बुद्धिए ताँ पोंल् पिंब्मुँ, च ताँ पोंमा चमैंइ क्‍हेमैंए ताँए ज्वाफ पिंल् खाँरिब् आरे, क्हेमैंए ताँ थोल् खाँरिब् आरे।

चेला चिब्मैंए केमैं 11:17

ङ्योइ प्रभु येशू ख्रीष्‍टए फिर बिश्‍वास लमा परमेश्‍वरजी ङ्योलाइ खैबै बरदान पिंल, चमैंलाज्यै या छाबन् बरदान पिंसेरो ङइ परमेश्‍वरने ‘आपिंन्’ बिब ङ खाब् जा?”

चेला चिब्मैंए केमैं 23:9

चर थेबै खैला-बैला तमा फरिसीमैं न्होंर्बै को-कोइ शास्‍त्रिमैंइ रेसि “चु म्हिने ङिइ तोइ दोष आयों। प्ल्ह नेरो स्वर्गदूतइ चुने पोंइ बिस्याँ तो तइ दि?” बिइ।

चेला चिब्मैंए केमैं 6:10

दिलेया पबित्र प्ल्हजी स्तिफनसलाइ बुद्धि पिंबइले चइ पोंबै ताँ चमैंइ थोल् आखाँल।

चेला चिब्मैंए केमैं 7:51

“ओ, आच्योबै म्हिमैं, सारो सैं प्ह्‍‍याब्मैं नेरो न्ह आथेब्मैं! क्हेमैंइ खोंयोंन् बिलै पबित्र प्ल्हए बिरोध लइमुँ। क्हेमैंए खेमैंइ लब् धोंले क्हेमैंज्यै या छान् लइमुँ।

चेला चिब्मैंए केमैं 9:5

चइ बिइ, “प्रभु, क्‍हि खाब् जा?” छबिमा खीजी बिइ, “ङ क्हिइ ह्रुगुदिरिबै येशू ग।

१ कोरिन्थी 1:25

तलेबिस्याँ परमेश्‍वरउँइँले खबै ताँ म्‍हिमैंइ “बुद्धि आरेब्” धों ङ्हाँलेया च ताँ म्‍हिमैंए “बुद्धि” भन्दा झन् ल्हें ज्ञान मुँबै ताँ ग, झाइले परमेश्‍वरउँइँले खबै ताँ म्‍हिमैंइ “तोन् तोबै” ङ्हाँलेया च ताँ म्‍हिमैंए भों भन्दा झन् ल्हें भोंब मुँ।

१ कोरिन्थी 10:22

क्हेमैंइ छाबै ताँ क्‍होसे या अझै प्रभुलाइ ह्रिस खल् लब् वा? प्रभु भन्दा ङ्यो भोंब मुँ ङ्हाँइमुँ वा?