चेला चिब्मैंए केमैं 5:21 - परमेश्‍वरए ताँ तमु क्युइर

²¹ चु ताँ थेसि चमैं न्हाँकार्न मन्दिर न्होंर होंसि म्हिमैंलाइ लोमिंबर होंइ। छतमा ख्रो पिंबै खेगि क्रथे नेरो चने बालु मुँब्मैंइ थेबै म्हि च्हों खागु लबर इस्रालिमैंए ताँन् चिबनाँब्मैं हुइइ। धै चमैंइ “चमैं पखो” बिसि झेलउँइँ म्हिमैं कुलइ।

चेला चिब्मैंए केमैं 5:21 ပူးပေါင်းရင်းမြစ်များ

भजनमैं 105:22

म्रुँए के लबै क्रथे मिंथेमैंलाइ योसेफइ छेनाले लोमिंरिगे धै म्रुँलाइ ताँ लोमिंब्मैंलाज्यै या ज्ञान-बुद्धि पिंरिगे बिसि छान् लइ।

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

लूका 22:66

नाँ न्होंबै तोदोंन् यहूदी ह्‍युलर्बै चिब्मैं, ख्रो पिंबै खेगि चिब्मैं नेरो शास्‍त्रिमैं ताँन् खागु तसि येशूलाइ थेबै म्हि च्होंए उँइँर बोमा चमैंइ बिइ,

यूहन्‍ना 18:35

पिलातसइ बिइ, “क्हिइमि ङ यहूदी ङ्हाँल् वा? क्‍हिए ह्रेंमैं नेरो ख्रो पिंबै खेगि चिब्मैंइ क्‍हि ङए योर पिंवाइमुँ। क्हिजी तो के लल?”

यूहन्‍ना 8:2

प्‍हँन्हाँग्धों न्‍हाँक्‍कर्न खी धबै कोंउँइँले युसि मन्दिरर ह्‍यामा ताँन् म्हिमैं खी ङाँर खइ। धै येशू क्हुँसि चमैं लोमिंर होंइ।

चेला चिब्मैंए केमैं 22:15

तलेबिस्याँ क्हिइ म्रोंब नेरो थेबै ताँमैं ताँन् म्हिमैंए उँइँर खीए ग्वाइ तसि क्हिजी बिमिंल् त्हुब्मुँ।

चेला चिब्मैंए केमैं 22:5

चु ङइ बिबै ताँ क्ह्रोंसेंन् ग बिसि ख्रो पिंबै खेगि क्रथे नेरो ताँन् थेबै म्हि च्हों या ग्वाइ पिंल् खाँम्। खेंमैंउँइँले ङइ दमस्‍कस सहरर्बै यहूदीमैंए मिंर प्ह्रिछ्या योंइ। छले हग योंसि ङइ दमस्‍कसर मुँबै प्रभुए फिर बिश्‍वास लब्मैं सजैं पिंबर फैसि यरूशलेमर पखबर दमस्कसर ह्‍याल।

चेला चिब्मैंए केमैं 5:17

छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

चेला चिब्मैंए केमैं 5:27

झाइले थेबै म्हि च्होंए उँइँर राल् पिंइ, धै ख्रो पिंबै खेगि क्रथेइ चमैंने ताँमैं ङ्योएइ। ५:२७

चेला चिब्मैंए केमैं 5:34

दिलेया गमलियल मिं मुँबै फरिसी थेबै म्हि च्होंए उँइँर राइ। च छ्वेर्बै ताँ ह्रब् सेब, ताँनइ म्हाँदिब, नेरो परमेश्‍वरए ठिम लोमिंबै म्हि मुँल। चइ सिपाइमैंने “चमैं तिस्याँदे बैरु कुलद्,” बिइ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।