चेला चिब्मैंए केमैं 5:17 - परमेश्‍वरए ताँ तमु क्युइर

¹⁷ छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

चेला चिब्मैंए केमैं 5:17 ပူးပေါင်းရင်းမြစ်များ

हितोपदेश 14:30

सैंर न्हुँ आरेस्याँ ज्यु छ्याँब तमुँ, दिलेया आगुए फिर ह्रिस लमा ह्रुइब क्राँयाम्।

हितोपदेश 27:4

ह्रिस खबै म्हिने दयाम्हाँया आत; छाबै म्हि तोन्-तोर्न त्होंदो राम्; दिलेया ह्रिस लबै म्हिए ओंसों खाब राल् खमुँ?

मत्ती 27:18

तलेबिस्याँ चमैंइ येशूए फिर ह्रिस लसि खी ङाँर पखब् ग बिब क्रथेइ था सेल।

मत्ती 3:7

दिलेया फरिसीमैं नेरो सदुकीमैं न्होंर्बै ल्हें म्हि या खीने बप्‍तिस्‍मा किंबर खब् म्रोंसि यूहन्‍नइ चमैंने बिइ, “ओ प्‍हुरि धों तबै म्‍हिमैं, परमेश्‍वरए ह्रिसउँइँले स्योल् खाँम् बिसि खाबइ क्‍हेमैंने बिइ?

यूहन्‍ना 12:10

छतमा ख्रो पिंबै खेगि चिब्मैंइ लाजरसलाज्यै या सैबै मत लइ।

यूहन्‍ना 12:19

छतमा फरिसीमैंइ खेंमैंए न्होंर “ङ्‍ह्‍‍योत्ति! कहेमैंइ तोइ लल् खाँरिब् आरे। म्रोंइँमुँ वा, ह्‍युलर्बै ताँन् म्हिमैं चए लिलि ल्हैदिल् खाँइ बिबर होंइ।”

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

चेला चिब्मैंए केमैं 15:5

दिलेया फरिसीमैं न्होंर्बै प्रभुए फिर बिश्‍वास लबै को-कोइ म्हिमैं रासि बिइ, “ज्युर चिनु लसि चमैंइ मोशाए ठिमर प्ह्रिबै ताँ लद् बिसि अरू ह्रेंमैंलाज्यै या ल्‍हैदिल् त्‍हुम्।”

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 4:26

याहवेह नेरो खीजी त्हाँबै म्हिए बिरोधर ह्‍युलर्बै म्रुँमैं राइ, धै क्रथे मिंथेमैं ताँन् खागु तइ।’

चेला चिब्मैंए केमैं 4:6

ख्रो पिंबै खेगि क्रथे हन्‍नास, कैयाफा, यूहन्‍ना, अलेक्जेन्डर नेरो ख्रो पिंबै खेगि क्रथेए परवा ताँन् चर्न मुँल।

चेला चिब्मैंए केमैं 5:16

यरूशलेमजरेबै ह्‍युलउँइँले या ल्हें म्हिइ नब्मैं, नेरो दुष्‍टइ ह्रुगुदिब्मैं पइ खमल, धै चमैं ताँन् सयामल।

चेला चिब्मैंए केमैं 7:9

“याकूबए च्ह योसेफने चए अलिमैंइ ह्रिस लमल। छतसि चमैंइ योसेफ मिश्र ह्‍युलर चुँवाँइ। दिलेया परमेश्‍वर चने बालु मुँल,

गलाती 5:21

आगुए सैमैं म्रोंसि ह्रिस लब, प्हा ल्‍हें थुँब, सयल लप्रब, छाबै केमैं ताँन् आछ्याँबै सैंउँइँले खबै केमैं ग। ङइ क्‍हेमैंलाइ ओंसोंन् लोदा सैंदा लब् धोंले तोगो या बिम्: छाबै केमैं लप्रब्मैं, परमेश्‍वरए ग्याल्सर्बै हगवाला तरिब् आरे।

याकूब 4:5

“ङ्योए न्होंर परमेश्‍वरजी थेंमिंबै प्ल्हइ आछ्याँबै सैमैं ङ्योए न्होंर टिब तिफुँइ आसैदि,” बिसि परमेश्‍वरए छ्वेर बिबै ताँ क्हेमैंइ स्योलि धों ङ्हाँइमुँ वा?

१ पत्रुस 2:1

छतसि क्‍हेमैंइ ताँन् खालर्बै स्योलिबै छलु-म्हिलुए ताँमैं, ह्रिस लब, आगु स्यारब नेरो आछ्याँबै केमैं लब पिवाद्।