चेला चिब्मैंए केमैं 5:16 - परमेश्‍वरए ताँ तमु क्युइर

¹⁶ यरूशलेमजरेबै ह्‍युलउँइँले या ल्हें म्हिइ नब्मैं, नेरो दुष्‍टइ ह्रुगुदिब्मैं पइ खमल, धै चमैं ताँन् सयामल।

चेला चिब्मैंए केमैं 5:16 ပူးပေါင်းရင်းမြစ်များ

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मत्ती 8:16

ङेसा तबै त्हेर म्‍हिमैंइ मोंइ स्‍याबै ल्‍हें म्‍हिमैं येशू ङाँर पखइ। धै खीजी परमेश्‍वरए ताँ पोंसिन् मोंमैं ल्‍हावाइ। छले चर्बै ताँन् नब्मैं सल् लमिंइ।

लूका 5:17

तिगें येशूजी परमेश्‍वरए ताँ म्हिमैंने लोमिंरिमा गालील नेरो यहूदीया ह्‍युलर्बै ताँन् नाँसउँइँले धै यरूशलेमउँइँले खबै फरिसीमैं नेरो शास्‍त्रिमैं या येशूए रेर क्हुँरिल। याहवेह परमेश्‍वरए नब् सल् लबै शक्‍ति येशूने मुँल।

लूका 6:18

च त्‍हेर्न मोंमैंइ स्‍याबै म्हिमैं या येशूजी सल् लमिंइ।

लूका 9:11

दिलेया म्हिमैंइ खी छले ह्‍याब सेसि म्‍हिए हुल येशू ङाँर खइ। छले खमा खीजी परमेश्‍वरए ग्याल्सर्बै बारेर चमैंलाइ बिमिंइ। धै नब् छब्मैं या सल् लमिंइ।

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

चेला चिब्मैंए केमैं 5:15

छतसि पत्रुस खमा चए छरि मत्‍त्रे मुँलेया चमैंए न्होंर्बै को-कोए फिर फेरिगे बिसि म्हिमैंइ घ्याँ-घ्याँर्न नब्मैं क्ल्ह्‍यो नेरो खाटर रोथेंमल।

चेला चिब्मैंए केमैं 5:17

छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

१ कोरिन्थी 12:9

कोइइ पबित्र प्ल्हउँइँलेन् परमेश्‍वरए फिर बिश्‍वास लबै सैं योंइमुँ, कोइइ नब छब्मैं सल् लबै बरदानमैं योंइमुँ,

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।