चेला चिब्मैंए केमैं 5:13 - परमेश्‍वरए ताँ तमु क्युइर

¹³ दिलेया अरू खाबै या चमैंने बालु क्ह्रिबै आँट लल् आखाँ। छान् तलेया म्हिमैंइ चमैंलाइ मान लमल।

चेला चिब्मैंए केमैं 5:13 ပူးပေါင်းရင်းမြစ်များ

लूका 19:48

दिलेया खी सैबै ल्हागिर चमैंइ तोइ निउँ आयों। तलेबिस्याँ येशूजी लोमिंबै ताँ बेल्‍ले छ्याँब म्हाँदिसि म्हिमैंइ थेमल।

यूहन्‍ना 12:42

छान् तलेया यहूदी चिबनाँब्मैंए न्होंरि ल्हें म्हिइ येशूए फिर बिश्‍वास लइ। दिलेया चमैं फरिसीमैंने ङ्हिंसि “म्हि च्हों धिंउँइँले तेवाम् उ?” ङ्हाँसि खेंमैंइ येशूए फिर बिश्‍वास लबै बारेर खाबने या आबिमल।

यूहन्‍ना 19:38

अरिमाथियाथें योसेफ बिबै म्हि घ्रि येशूए चेला मुँल। च यहूदी चिबनाँब्मैंने ङ्हिंमल छतसि आसेल्‍ले न्हों-न्हों मत्‍त्रे येशूए चेला मुँल। चइ पिलातसने येशूए सिनु बोयाल् पिंन् बिसि यो छ्युँ लमा पिलातसइ येशूए सिनु बोल् पिंइ। धै चइ येशूए सिनु बोइ।

यूहन्‍ना 9:22

“येशून् परमेश्‍वरजी कुल्मिंबै म्रुँ ख्रीष्‍ट ग बिबै म्हिलाइ च्हों धिंउँइँले तेवाल त्हुम्,” बिसि यहूदीमैंइ ओंसों ओंनोंन् मत लल। छतसि चए आबा-आमा यहूदी चिबनाँब्मैं म्रोंसि ङ्हिंसि

चेला चिब्मैंए केमैं 19:17

एफिससर टिबै ताँन् यहूदीमैं नेरो ग्रिकमैंइ चु ताँ थेसि ङ्हिंयाँइ, धै प्रभु येशूए मिं क्वेइ।

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

चेला चिब्मैंए केमैं 4:21

छले चमैंइ सजैं पिंबै ताँ तोइ आयों तलेबिस्याँ चर तरिबै ताँए ल्हागिर ताँन् म्हिमैंइ परमेश्‍वरए मिं क्वेरिल। छतसि चमैंइ पत्रुस नेरो यूहन्‍नालाइ बेल्‍ले हौदिसि पिमिंइ।

चेला चिब्मैंए केमैं 5:26

चु ताँ थेसि कप्‍तान नेरो चए सिपाइमैं ह्‍यासि चमैंलाइ क्हासि खैच्हिजी आलल्‍ले छेनाले पखइ, तलेबिस्याँ म्हिमैंइ खेंमैं युँमाइ प्रिंम् उ ङ्हाँसि चमैं ङ्हिंयाँइ।

चेला चिब्मैंए केमैं 5:5

चु ताँ थेबै तोंदोंन् हननिया सर क्हुरिह्‍याइ धै सो पिवाइ। चु ताँ थेब्मैं ताँन् बेल्‍ले ङ्हिंयाँइ।

२ कोरिन्थी 10:15

ङिलाइ परमेश्‍वरजी पिंबै जिम्मा बाहेक् अरू चेलामैंइ लबै केर ङिइ यो झोंसि थेब् आप्‍हैं। बरु क्‍हेमैंए बिश्‍वास भोंब् तरिगे धै परमेश्‍वरजी ङिलाइ जिम्‍मा पिंब् धोंले ङिइ क्‍हेमैंने बालु झन् ल्हें के लल् खाँरिगे बिब ङिए आशा मुँ।