चेला चिब्मैंए केमैं 5:11 - परमेश्‍वरए ताँ तमु क्युइर

¹¹ छतमा ताँन् चर्च नेरो चु ताँ थेबै ताँन् म्हिमैं बेल्‍ले ङ्हिंयाँइ।

चेला चिब्मैंए केमैं 5:11 ပူးပေါင်းရင်းမြစ်များ

भजनमैं 89:7

स्वर्गदूतमैं च्होंबै क्ल्ह्‍योर परमेश्‍वरने बेल्‍ले ङ्हिंल् त्हुम्, धै खीए खागु मुँब्मैंइ खीए मान लल् त्हुम्।

चेला चिब्मैंए केमैं 19:17

एफिससर टिबै ताँन् यहूदीमैं नेरो ग्रिकमैंइ चु ताँ थेसि ङ्हिंयाँइ, धै प्रभु येशूए मिं क्वेइ।

चेला चिब्मैंए केमैं 2:43

कुल्मिंबै चेला चिब्मैंइ ल्हें औदिबै केमैं लदै ल्हें चिनुमैं उँइँमल। छतसि ल्हें म्हि परमेश्‍वरने ङ्हिंबर होंइ।

चेला चिब्मैंए केमैं 5:5

चु ताँ थेबै तोंदोंन् हननिया सर क्हुरिह्‍याइ धै सो पिवाइ। चु ताँ थेब्मैं ताँन् बेल्‍ले ङ्हिंयाँइ।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

हिब्रू 12:15

परमेश्‍वरए दयाम्हाँया आयोंब खाबै आतरिगे बिसि न्ह क्रों मि क्रों तद्। आक्ह्रिबै लमा क्हेमैंए न्होंरि फ्रेब् प्ह्राब् आतरिगे। आस्याँ ल्हें म्हिमैं पापर च्होयाब्मुँ।

हिब्रू 12:28

छतसि ङ्योइ लाल् आखाँबै ग्याल्स योंबइले परमेश्‍वरलाइ धन्‍यबाद पिंले, धै खीए मान लदै खीने ङ्हिंदै खीजी खोल्‍ले खीए मिं क्वेले।

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

१ पत्रुस 1:17

म्हिमैंइ लबै के ङ्‍ह्‍योसि खाबै आफेलनाले निसाफ लबै परमेश्‍वरलाइ आबा बिसि प्राथना लम् बिस्याँ, चु ह्‍युलर टिबै छ्ह तिगोंन् परमेश्‍वरने ङ्हिंसि टिद्।

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”