चेला चिब्मैंए केमैं 4:7 - परमेश्‍वरए ताँ तमु क्युइर

⁷ चमैंइ पत्रुस नेरो यूहन्‍नालाइ म्हाँजोर राल् पिंसि “क्हेमैंइ खाब् शाक्‍तिउँइँले नेरो खाबै मिंर चु के लल?” बिसि ङ्योएइ।

चेला चिब्मैंए केमैं 4:7 ပူးပေါင်းရင်းမြစ်များ

प्रस्थान 2:14

छबिमा चइ बिइ, “क्हि ङिए क्रथे नेरो निसाफ लबै म्हि खाबइ लमिंइ? च मिश्रीने सैब् धोंले ङलाज्यै या सैल् म्हैल् वा?” छबिमा मोशाइ सैं न्हों-न्हों ङ्हिंसि बिइ, “क्ह्रोंसेंन चु ताँ खन्तोंदोंन् थेबर होंना।”

मत्ती 21:23

च लिउँइँ येशू मन्दिरर ह्‍यासि ताँमैं लोमिंबर होंमा ख्रो पिंबै खेगि चिब्मैं नेरो यहूदी चिबनाँब्मैं खी ङाँर खसि “क्हिइ खाबै हगउँइँले चु केमैं लल? खाबइ चु केमैं लबै हग पिंइ?” बिसि ङ्योएइ।

मर्कूस 11:28

“छों लब्मैंलाइ ल्हावाब क्‍हिने तोए हग मुँ? च्हौ थेबै हग क्हिलाइ खाबइ पिंल?” बिसि येशूने ङ्योएइ।

यूहन्‍ना 2:18

दिलेया यहूदी चिबनाँब्मैंइ खीने बिइ, “छले छों लब्मैंलाइ ल्हावाब क्हिने तो हग मुँ? हग मुँ बिस्याँ खैबै औदिबै चिनु उँइँमुँ?”

यूहन्‍ना 8:3

च त्हेर्न शास्‍त्रिमैं नेरो फरिसीमैंइ च्हमिरि घ्रि फ्रें क्ल्योंरिबै त्हेर स्‍यासि क्हाइ पखइ, धै ताँन् म्हिमैंए म्हाँजोर राल् पिंइ।

यूहन्‍ना 8:9

चु ताँ थेमा ओंसों खिब्मैं त्होंह्‍याइ, धै घ्रि घ्रिले अरू म्हिमैं या त्होंह्‍याइ। छतमा येशू घ्रिन् च च्हमिरिने तयाइ, च च्हमिरि बिस्याँ खीए ओंसों रारिल।

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 4:6

ख्रो पिंबै खेगि क्रथे हन्‍नास, कैयाफा, यूहन्‍ना, अलेक्जेन्डर नेरो ख्रो पिंबै खेगि क्रथेए परवा ताँन् चर्न मुँल।

चेला चिब्मैंए केमैं 4:8

छबिमा पबित्र प्ल्हजी प्लिंसि पत्रुसइ चमैंने बिइ, “ओ म्हिए फिर्बै क्रथे नेरो चिबनाँब्मैं!

चेला चिब्मैंए केमैं 5:40

छले चमैंइ गमलियलइ बिबै ताँ ङिंइ, दिलेया चमैंइ कुल्मिंबै चेला चिब्मैंलाइ न्होंर हुइसि धोंइ, धै चमैंने बिइ, “येशूए मिंर खोंयोंन् बिलै तोइ आपोंन्!” छ बिसि चमैं पिवाइ।