चेला चिब्मैंए केमैं 4:34 - परमेश्‍वरए ताँ तमु क्युइर

³⁴ चमैंए न्‍होंर खाबलाज्यै तो सैलै या खाँचो आतमल, तलेबिस्याँ क्ल्ह्‍यो न्हें मुँब्मैंइ च चुँसि योंबै मुइ पखमल,

चेला चिब्मैंए केमैं 4:34 ပူးပေါင်းရင်းမြစ်များ

मत्ती 19:21

येशूजी चने बिइ, “क्‍हि क्‍ह्रोंसेंनन्बै ठिक तदा ङ्हाँस्‍याँ ह्‍यासि क्‍हिने मुँबै तोन्दोंरि सै न्होर चुँसि योंबै मुइ ङ्हाँदुमैं चुमिंन्। छलस्याँ क्‍हिइ स्‍वर्गर सै न्होर योंब्‍मुँ। झाइले खसि ङए लिलि ल्‍हैदिद्।”

मर्कूस 10:21

येशूजी म्हाँयाले च ङाँइ ङ्‌ह्‍योसि बिइ, “क्‍हिइ अझै के घ्रि लब चैमुँ: छतसि ह्‍यासि क्‍हिए क्‍ल्‍ह्‍यो न्‍हें ताँन् चुँसि योंबै मुइ ङ्हाँदुमैं पिंन्, छलस्याँ क्‍हिइ स्‍वर्गर सै न्होर ल्हें योंब्‍मुँ। धै खसि ङए लिलि प्रद्,” बिइ।

लूका 12:33

“छतसि क्हेमैंए सै न्होर चुँसि योंबै मुइ आयोंब्मैं पिंन्। झाइले ह्रोंसए ल्हागिर खोंयोंइ स्योब आतबै नेंदोमैं रोसि नाँस आतबै सै न्होर स्‍वर्गर साँन्। स्‍वर्गर थेंबै सै न्होर खोंयोंइ आम्ह, तलेबिस्याँ खाबज्यै ह्‍योल् आँखाँ, झाइले प्‍हुँलुँज्‍यै आच।

लूका 16:9

“ङ क्हेमैंने बिमुँ, ह्रोंसए ल्हागिर ह्‍युलर्बै स न्होरउँइँले क्ह्रिबै थुमैं बनेद्। छ लस्‍याँ क्‍हेमैंए मुइ खाँयाबै त्‍हेर चमैंइ क्‍हेमैं स्‍वर्गर स्वागत लब्मुँ।”

लूका 22:35

येशूजी चमैंने बिइ, “ङइ क्‍हेमैं मुइ, झोला, जुत्ता तोइ आबोल्‍ले कुलमा क्हेमैंलाइ तोइ सैलेया खाँचो तल् वा?” चमैंइ “अहँ, तोइ सैलेया खाँचो आत,” बिइ।

चेला चिब्मैंए केमैं 2:45

चमैंइ ह्रोंसए क्‍ल्‍ह्‍यो न्‍हें नेरो अरू सैमैं चुँसि योंबै मुइ खाँचो तब्मैंलाइ चुमिंमल।

चेला चिब्मैंए केमैं 4:37

चुइ क्ल्ह्‍यो चुँसि योंबै मुइ पखसि कुल्मिंबै चेला चिब्मैंए योर पिंइ।

२ कोरिन्थी 8:14

छलेन अरूमैंइ लिउँइँ ल्हें योंमा क्‍हेमैंलाइ खाँचो तबै त्हेर क्‍हेमैंलाइ ल्होरिगे बिसि तिंजोरो क्‍हेमैंने ल्‍हेन् मुँसेरो चमैंए खाँचो तबै त्हेर चमैंलाइ ल्होल् त्‍हुम्। छलस्याँ ताँन् बराबर तब्‍मुँ।

१ थेसलोनिकी 4:12

क्हेमैंइ छ लस्याँ बैरुबै म्हिमैंउँइँले मान योंब्मुँ धै आगुए भरर टिल् आत्हु।

१ तिमोथी 6:19

छले ह्रोंसए ल्हागिर चमैंइ लिउँइँबै जग भोंब् लरिगे, धै खोंयोंइ आखाँबै छ्ह योंल् खाँरिगे।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।