चेला चिब्मैंए केमैं 4:28 - परमेश्‍वरए ताँ तमु क्युइर

²⁸ छतमा ओंसों ओंनोंन् क्हिए योउँइँले क्हिजी लबै चाँजोमैं च बिरोधीमैंइ पूरा लइ।

चेला चिब्मैंए केमैं 4:28 ပူးပေါင်းရင်းမြစ်များ

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मत्ती 26:54

दिलेया ङइ छले ल्होमिंन् बिस्याँ, परमेश्‍वरए छ्वेर चु तलन् त्हुम् बिसि प्ह्रिबै ताँ खैले पूरा तल् खाँमुँ?”

लूका 22:22

तलेबिस्याँ परमेश्‍वरजी बिब् धोंलेन् म्हिए च्ह सिलन् त्हुब्‍मुँ। दिलेया धिक्‍कार मुँ ङ शत्तुरमैंए योर पिंवाबै म्‍हि चइ थेबै दुःख योंब्‍मुँ।”

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 3:18

ओंसोंन् ख्रीष्‍टजी दुःख नोल् त्हुम् बिसि ताँन् अगमबक्‍तामैंउँइँले परमेश्‍वरजी बिबै ताँ खीजी छले पूरा लइ।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

हिब्रू 6:17

परमेश्‍वरजी बाछा फैसि पिंम् बिबै सैमैं योंल् त्‍हुब्‍मैंलाइ “खीए ताँ खोंयोंइ आप्लिं,” बिसि उँइँमिंबै सैं लइ। छतसि खीजी कसम चसिन् च बाछा पक्‍का लइ।