चेला चिब्मैंए केमैं 4:21 - परमेश्‍वरए ताँ तमु क्युइर

²¹ छले चमैंइ सजैं पिंबै ताँ तोइ आयों तलेबिस्याँ चर तरिबै ताँए ल्हागिर ताँन् म्हिमैंइ परमेश्‍वरए मिं क्वेरिल। छतसि चमैंइ पत्रुस नेरो यूहन्‍नालाइ बेल्‍ले हौदिसि पिमिंइ।

चेला चिब्मैंए केमैं 4:21 ပူးပေါင်းရင်းမြစ်များ

मत्ती 15:31

लडमैं पोंब, स्यालेमैं सयाब, डुडमैं प्रयाब, कनमैंइ म्रोंल् खाँब् तइ। छाब् म्रोंसि म्‍हिमैं प्लेटोयासि इस्राएल ह्रेंर्बै परमेश्‍वर बेल्‍ले थेब मुँन बिसि खीए मिं क्वेइ।

मत्ती 21:46

छतसि चमैंइ येशूलाइ क्‍हाल् म्‍हैइ, दिलेया चमैं म्‍हिए हुल म्रोंसि ङ्हिंइ। तलेबिस्याँ म्हिमैंइ “येशू अगमबक्‍ता ग,” बिसि मैंमल।

मत्ती 26:5

दिलेया चमैंइ बिइ, “चाडए त्हेर क्‍हाब आत। ङ्योइ छ लस्‍याँ म्‍हिमैं खैला-बैला तब्मुँ।”

मत्ती 9:33

येशूजी मों ल्‍हावाबै लिउँइँ च लडा पोंइ। छतमा “इस्राएल ह्‍युलरि छ तब खोंयोंइ आम्रोंल,” बिसि म्‍हिमैं प्लेटोयाइ।

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

लूका 13:17

येशूजी चु ताँ बिल् खाँबै लिउँइँ खीए बिरोधीमैं ताँन् फापिन् तयाइ। दिलेया खीजी लबै औदिबै के म्रोंसि चर्बै म्हिमैं बेल्‍ले सैं तोंइ।”

लूका 20:19

येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

लूका 20:6

‘म्हिउँइँले’ बिले बिस्‍याँ चुर्बै म्‍हिमैं ताँनइ ङ्यो युँमाइ प्रिंसि सैवाब्‍मुँ, तलेबिस्याँ यूहन्‍ना अगमबक्‍ता ग बिसि चमैंइ क्वेंम्।”

लूका 22:2

ख्रो पिंबै खेगि चिब्मैं नेरो शास्‍त्रिमैं बिस्याँ येशू खैले सैब् ङ्‍हे बिसि दाउ ङ्‍ह्‍योरिल। दिलेया म्‍हिमैं म्रोंसि चमैं ङ्हिंमल।

लूका 5:26

छाब् म्रोंसि चर्बै ताँन् म्हिमैं प्लेटोयाइ। धै परमेश्‍वरए के म्रोंसि बेल्‍ले ङ्हिंसि खीए मिं थेब लदै “तिंयाँ ङिंइ औदिबै के म्रोंइ,” बिइ।

चेला चिब्मैंए केमैं 4:17

दिलेया चु ताँ अरू म्‍हिमैंइ आसेरिगे बिसि ‘धबै चु मिंर खाब्ने या क्हेमैंइ तोइ आबिद्’ बिसि ङ्योइ चमैंने हौदिले।”

चेला चिब्मैंए केमैं 4:22

च अचम्माले सबै म्हि प्लिच्यु बर्ष क्हो-क्होबै मुँल।

चेला चिब्मैंए केमैं 5:13

दिलेया अरू खाबै या चमैंने बालु क्ह्रिबै आँट लल् आखाँ। छान् तलेया म्हिमैंइ चमैंलाइ मान लमल।

चेला चिब्मैंए केमैं 5:26

चु ताँ थेसि कप्‍तान नेरो चए सिपाइमैं ह्‍यासि चमैंलाइ क्हासि खैच्हिजी आलल्‍ले छेनाले पखइ, तलेबिस्याँ म्हिमैंइ खेंमैं युँमाइ प्रिंम् उ ङ्हाँसि चमैं ङ्हिंयाँइ।

चेला चिब्मैंए केमैं 5:40

छले चमैंइ गमलियलइ बिबै ताँ ङिंइ, दिलेया चमैंइ कुल्मिंबै चेला चिब्मैंलाइ न्होंर हुइसि धोंइ, धै चमैंने बिइ, “येशूए मिंर खोंयोंन् बिलै तोइ आपोंन्!” छ बिसि चमैं पिवाइ।