चेला चिब्मैंए केमैं 4:17 - परमेश्‍वरए ताँ तमु क्युइर

¹⁷ दिलेया चु ताँ अरू म्‍हिमैंइ आसेरिगे बिसि ‘धबै चु मिंर खाब्ने या क्हेमैंइ तोइ आबिद्’ बिसि ङ्योइ चमैंने हौदिले।”

चेला चिब्मैंए केमैं 4:17 ပူးပေါင်းရင်းမြစ်များ

मत्ती 27:64

छतसि सिपाइमैंने सोंरों समा ‘च छगों छेनाले रुँन्,’ बिसि बिद्। छ आलस्याँ चए चेलामैं खसि सिनु ह्‍योइ बोयालै धै ‘प्रभु सिबउँइँले धबै सोगों तसि रेना’ बिसि म्‍हिमैंने बिब्‍मुँ। धै चु स्योर्गु ताँ ओंसोंबै भन्दा झन् आछ्याँब तब्मुँ।”

मत्ती 9:30

च्‍हौ बिमा चमैंए मि म्रोंयाइ। धै येशूजी चमैंने “चु ताँ खाबज्यै आसेरिगे,” बिइ।

यूहन्‍ना 15:21

क्हेमैंइ ङए मिं किंसेरो म्हिमैंइ चु तोन्दोंरि दुःख क्हेमैंलाइ पिंब्मुँ। तलेबिस्याँ चमैंइ ङ कुल्मिंबै आबा ङो आसे।

चेला चिब्मैंए केमैं 4:21

छले चमैंइ सजैं पिंबै ताँ तोइ आयों तलेबिस्याँ चर तरिबै ताँए ल्हागिर ताँन् म्हिमैंइ परमेश्‍वरए मिं क्वेरिल। छतसि चमैंइ पत्रुस नेरो यूहन्‍नालाइ बेल्‍ले हौदिसि पिमिंइ।

चेला चिब्मैंए केमैं 5:24

चु ताँ थेसि मन्दिर रुँबै सिपाइमैंए कप्‍तान नेरो ख्रो पिंबै खेगि चिब्मैंइ, “तारे कुल्मिंबै चेला चिब्मैं खै तब् ङ्‍हे” ङ्हाँसि खैला तोला तइ।

चेला चिब्मैंए केमैं 5:28

“ङिइ क्हेमैंने खाबलाज्यै येशूए मिंर तोइ आलोमिंन् बिसि बिल, दिलेया क्हेमैंइ यरूशलेम तिगोंन् लोमिंल् खाँना। च म्हि सैवाबै छ्याब् क्हेमैइ ङिए फिर ल्हैदिदा ङ्हाँइमुँ वा?”

एफिसी 6:9

ओ क्ल्हेमैं, केब्छैंमैंने छ्याँबै ब्यबहार लद्, चमैंलाइ आहौदिद्, तलेबिस्याँ क्‍हेमैंए क्ल्हे नेरो चमैंए क्ल्हे स्‍वर्गर मुँबै प्रभुन् ग। खीजी खाबलाज्यै या आफेल।

१ थेसलोनिकी 1:8

तलेबिस्याँ क्‍हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्‍त्रे आङिं, क्हेमैंइ परमेश्‍वरए फिर बिश्‍वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्‍हिमैंने त्‍होसि क्‍हेमैंए बारेर तोइ बिरिल् आत्‍हु।

१ पत्रुस 2:23

खीए फिर म्हिमैंइ तब आतब बिसि खीए आब्रु वासेया खीजी चमैंने खि आकिं। खीए फिर दुःख पिंब्मैंलाज्यै या खीजी धम्कि आपिं। बरु छेनाले निसाफ लबै परमेश्‍वरए फिर खीजी भर थेंइ।