चेला चिब्मैंए केमैं 4:12 - परमेश्‍वरए ताँ तमु क्युइर

¹² अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

चेला चिब्मैंए केमैं 4:12 ပူးပေါင်းရင်းမြစ်များ

उत्पत्ति 7:19

पृथ्‍बीर नाँ युबै युबन् तमा क्यु बेल्‍ले ल्हें तसि नुब नुबै कोंमैं ताँन् प्ल्हुँयाँइ।

भजनमैं 45:17

लिउँइँबै पुस्त-पुस्त समा क्हिए मिं मैंरिब लमिंब्मुँ; छतसि अरू ह्रेंमैंइ खोंयोंन् बिलै क्हिए मिं थेब् लब्मुँ।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

चेला चिब्मैंए केमैं 13:26

“ओ आघें-अलिमैं, अब्राहामए सन्तान्मैं, नेरो परमेश्‍वर म्हाँदिबै अरू ह्रेंर्बै म्हिमैं! परमेश्‍वरजी ङ्योए ङाँर्न चु जोगेमिंबै ताँ कुल्मिंइँमुँ।

चेला चिब्मैंए केमैं 2:5

स्वर्गए न्होंर मुँबै ताँन् ह्‍युलउँइँले परमेश्‍वर म्हाँदिबै यहूदीमैं च त्हेर यरूशलेमर टिल।

१ कोरिन्थी 3:11

परमेश्‍वरजी झोंबै तें येशू ख्रीष्‍ट ग। म्हिमैंइ येशू बाहेक अरू तें झोंल् आखाँ।

कलस्सी 1:23

छतसि येशू ख्रीष्‍टए फिर भोंन्ले बिश्‍वास लसि क्‍हेमैंइ ख्रीष्‍टउँइँले खबै सैं तोंबै ताँउँइँले योंबै आशा आपिल्‍ले टिद्। (च आशा तो मुँ बिस्याँ ङ्यो येशूने बालु स्‍वर्गर तब्मुँ।) चु सैं तोंबै ताँ बिप्रबै ल्हागिर परमेश्‍वरजी ङ पावलइ या के लबर त्हाँइमुँ, धै चु ताँ स्वर्ग न्होंरि ह्‍युल तिगोंन् ताँन् म्‍हिमैंने बिमिंइमुँ।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।