चेला चिब्मैंए केमैं 3:20 - परमेश्‍वरए ताँ तमु क्युइर

²⁰ क्हेमैंइ पाप लब पिसि परमेश्‍वर ङाँइ सैं एद्।

चेला चिब्मैंए केमैं 3:20 ပူးပေါင်းရင်းမြစ်များ

मत्ती 16:27

तलेबिस्याँ म्हिए च्ह खीए आबाए मान योंसि स्‍वर्गदूतमैंने युमा म्‍हिमैंइ खैबै के लइमुँ छाबन् नों खीजी पिंब्‍मुँ।

मत्ती 24:3

येशू जैतून बिबै कोंर क्हुँरिमा खीए चेलामैं खाबज्यै आसेल्‍ले खी ङाँर खसि खीने ङ्योएइ, “छाबै त्हे खोंयों तम्? धै क्‍हि एयुबै त्हे नेरो चु ह्‍युल नास तमा खैबै चिनुमैं तमुँ?”

मर्कूस 13:26

च लिउँइँ म्हिए च्ह बेल्‍ले थेबै शक्‍तिर नेरो बेल्‍ले म्हारल्‍ले न्हाँम्स्योए म्हाँजोर युरिब म्‍हिमैंइ म्रोंब्मुँ।

लूका 19:11

येशू यरूशलेम सहर चेंदो फेख‍मा म्‍हिमैंए सैंर “परमेश्‍वरजी ग्याल्स लबै त्‍हे युनन् तबि छेना बिब् मैंसि खीए ताँ थेरिल। छतमा येशूजी चमैंने परमेश्‍वरए ग्याल्सए बारेर्बै ताँ अहानउँइँले बिइ।”

लूका 21:27

च लिउँइँ म्हिए च्ह थेबै शक्‍ति नेरो म्हारल्‍ले न्‍हाँम्‍स्योर युरिब म्हिमैंइ म्रोंब्‍मुँ।

चेला चिब्मैंए केमैं 17:31

तलेबिस्याँ खीजी ह्‍युलर्बै ताँन् म्हिमैंए निसाफ लबै त्हिंइ तोक्दिमिंइँमुँ। च त्हिंइर खीजी त्हाँबै म्हि घ्रिउँइँले ह्‍युलर्बै ताँन् म्हिमैंए निसाफ लब्मुँ। च म्हिने निसाफ लबै हग मुँ बिसि प्रमाण ताँनने उँइमिंबर परमेश्‍वरजी च म्हि सिबउँइँले सोगों लमिंइ।”

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि

चेला चिब्मैंए केमैं 3:21

दिलेया स्योंमन् परमेश्‍वरजी ह्रोंसए ताँ बिमिंबै पबित्र म्‍हिमैंइ बिब् धोंले तोन्दोंरि सैमैं छारा लबै त्हे आखन् समा ख्रीष्‍ट स्वर्गर्न टिल् त्हुम्।

२ थेसलोनिकी 2:2

“प्रभु युल् खाँइ बिसि पावलइ लोमिंइ,” बिबै स्योलिबै ताँ खाबज्यै या आक्वेंन्, क्‍हेमैंए सैं आआदिद्। ङिइ छले सुँइ आबि, प्ह्रिछ्यार आप्ह्रि, तोइ अगमबाणि आपों।

२ थेसलोनिकी 2:8

लिउँइँ परमेश्‍वरजी पिवासि च दुष्‍ट शत्‍त्रु त्‍होंब्मुँ, दिलेया प्रभु येशू युबै त्हेर्बै चारबै ह्‍वे नेरो खीए सुँउँइँले त्होंबै सोइ चलाइ नास लवाब्‍मुँ।

हिब्रू 9:28

छलेन ल्‍हें म्‍हिमैंए पाप त्होमिंबर ख्रीष्‍ट या तिब्‍ले ख्रो तसि सिमिंइ। दिलेया खी धबै युब्‍मुँ। च त्हेर खी म्हिमैंए पाप त्होमिंबै ल्हागिर आङिं, दिलेया सैं तोंदै खीलाइ ह्रेरिब्मैंलाइ जोगेमिंबर युब्‍मुँ।

दर्शन 1:7

ङ्ह्‍योत्ति, येशू न्‍हाँम्‍स्योर युइन मुँ। खीलाइ सैब्मैं नेरो अरू ताँन् म्हिमैंज्यै या खी म्रोंब्‍मुँ। छले खि युरिब् म्रोंमा ह्‍युलर्बै ताँन् म्हिमैं न्हुँ लसि क्रोब्‍मुँ। आमेन, छान् तरिगे।