चेला चिब्मैंए केमैं 3:18 - परमेश्‍वरए ताँ तमु क्युइर

¹⁸ ओंसोंन् ख्रीष्‍टजी दुःख नोल् त्हुम् बिसि ताँन् अगमबक्‍तामैंउँइँले परमेश्‍वरजी बिबै ताँ खीजी छले पूरा लइ।

चेला चिब्मैंए केमैं 3:18 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

२ पत्रुस 1:21

तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्‍हिमैंलाइ लोमिंसि चमैंइ परमेश्‍वरजी पोंन् बिबै ताँमैं पोंब् ग।

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।