चेला चिब्मैंए केमैं 3:13 - परमेश्‍वरए ताँ तमु क्युइर

¹³ अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

चेला चिब्मैंए केमैं 3:13 ပူးပေါင်းရင်းမြစ်များ

प्रस्थान 3:13

मोशाइ परमेश्‍वरने बिइ, “ङ इस्राएलीमैं ङाँर ह्‍यासि चमैंने छले बिमा, ‘क्हेमैंए खेमैंए परमेश्‍वरजी ङ क्हेमैं ङाँर कुलब् ग।’ बिसि, चमैंइ ‘खीए मिं तो जा?’ बिसि ङ्योएस्याँ ङइ चमैंने तो बिब?”

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 20:19

झाइले खीलाइ बिल्‍लि लसि कोर्राइ प्रुसि क्रूसर च्योवाद् बिसि चमैंइ अरू ह्रेंमैंए योर पिंवाब्‍मुँ, दिलेया सोंरोंर खी धबै सोगों तसि खब्‍मुँ।”

मत्ती 22:32

‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

मत्ती 27:2

झाइले चमैंइ खीलाइ फैसि रोमी क्रथे पिलातस ङाँर बोसि पिंवाइ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

मर्कूस 15:11

दिलेया ख्रो पिंबै खेगि चिब्मैंइ “बरब्‍बा पिमिंन् बिद् ओ!” बिसि म्हिए हुललाइ सुरिदिवाइ।

लूका 22:57

दिलेया पत्रुसइ च च्हमिरिने “ओ नानि, ङइ खी ङो आसे,” बिइ।

लूका 23:4

“ङइ चु म्‍हिने तोइ दोष आयों बिसि ख्रो पिंबै खेगि चिब्मैं नेरो चर मुँबै हुलने पिलातसइ,” बिइ।

लूका 6:37

“आगुए फिर छ्याब् आल्‍हैदिद्, आगुने चम् आछ्याँबै के लबै म्हि ग आबिद्। छलस्याँ परमेश्‍वरज्यै या क्‍हेमैंए फिर छ्याब् ल्हैदिरिब् आरे। अरूलाइ क्षमा पिंन्, धै परमेश्‍वरज्यै या क्‍हेमैंलाइ क्षमा पिंब्मुँ।

यूहन्‍ना 12:16

खीए चेलामैंइ ओंसों चु ताँमैं आक्होल। दिलेया येशू सिबउँइँले सोगों तसि स्वर्गर्बै मान योंबै लिउँइँ मत्‍त्रे खीए बारेर चु ताँ छ्वेर प्ह्रिब् मुँन धै चु केमैं खीए मान लबै ल्हागिरि यरूशलेमथेंमैंइ लना बिसि चमैंइ क्होइ।

यूहन्‍ना 18:40

छबिमा चमैंइ धबै ओरदै “चु आङिं, बरु बरब्‍बा पिमिंन्,” बिइ। (बरब्‍बा बिबै म्हि ह्‍यो मुँल।)

यूहन्‍ना 19:11

येशूजी बिइ, “परमेश्‍वरजी आपिंस्याँ क्हिला ङए फिर तोइ हग आतमल। छतसि ङलाइ क्हिए योर पिंवाबै म्हिए फिर पापए छ्याब् झन् ल्हें तब्मुँ।”

यूहन्‍ना 19:12

च लिउँइँ पिलातसइ येशूलाइ पिवाल् म्हैइ। दिलेया यहूदीमैं छ बिदै ओरइ, “क्हिइ चु म्हि पिवाइ बिस्याँ क्हि रोमी कैसर म्रुँए थु तरिब् आरे। ह्रोंसलाइन म्रुँ ग बिबै म्हिन् कैसरए बिरोधर तब्मुँ।”

यूहन्‍ना 19:15

छबिमा “बोयाद्, बोयाद्, च क्रूसर च्योवाद्!” बिसि चमैं ओरइ। छतमा पिलातसइ चमैंने “ङइ क्‍हेमैंए म्रुँ क्रूसर च्योवाद् वा?” बिसि ङ्योएमा “रोमी कैसर म्रुँ बाहेक् ङिला अरू म्रुँ आरे,” बिसि ख्रो पिंबै खेगि चिब्मैंइ बिइ।

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

चेला चिब्मैंए केमैं 22:14

च लिउँइँ चइ ङने बिइ, ‘ङ्योए खेमैंए परमेश्‍वरजी खीए सैंर्बै ताँ क्हिइ सेल् खाँरिगे, खीए छ्याँबै के लबै येशूलाइ म्रोंल् खाँरिगे, धै खीए सुँउँइँले पोंबै ताँमैं थेल् खाँरिगे बिसि क्हिलाइ त्हाँइमुँ।

चेला चिब्मैंए केमैं 24:14

ङ क्हिए उँइँर चु ताँ बिमुँ: चु मुक्‍ति पिंबै घ्याँने चुमैंइ स्योर्गु घ्याँ बिम्, दिलेया ङ च घ्याँर प्रसि ङए खेमैंए परमेश्‍वरए मिं क्वेम्। धै मोशाइ पिंबै ठिमर मुँबै ताँ नेरो स्योंम्बै अगमबक्‍तामैंइ प्ह्रिबै कितबमैंर बिबै ताँन् ताँ ङइ क्वेंम्।

चेला चिब्मैंए केमैं 3:12

चु म्रोंसि पत्रुसइ म्हिमैंने बिइ, “ओ इस्राएलीमैं, चु ताँर क्हेमैं तले अचम्‍मा ङ्हाँल? ङिइ ह्रोंसए शक्‍ति अथवा भक्‍तिउँइँले चु म्हिलाइ प्रल् खाँब् लमिंइ बिसि क्हेमैं तले ङिलाइ ङ्ह्‍योबै ङ्‍ह्‍योबन् लरिल?

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

चेला चिब्मैंए केमैं 4:27

क्ह्रोंसेंन हेरोद म्रुँ, पन्तियस पिलातस, अरू ह्रेंमैं नेरो इस्राएलीमैं या चु सहरर्न क्हिजी त्हाँबै सेवा लबै पबित्र येशूए बिरोधर खागु तल।

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

चेला चिब्मैंए केमैं 7:32

‘ङ क्‍हिए खेमैं अब्राहाम, इसहाक नेरो याकूबए परमेशवर ग।’ छ बिब् थेसि मोशा ङ्हिंसि त्हारइ, धै छाइ ङ्‍ह्‍योबै आँट लल् आखाँ।

रोमी 9:5

स्योंम्बै मिं कालदिबै थे-थेबै चिबनाँब्मैं यहूदीमैंए खेमैंन् ग। धै ख्रीष्‍ट या म्‍हि तसि च ह्रेंर्न फिइ। म्‍हि तनाबिलेया खी ताँन् म्‍हिमैंए फिर ग्याल्स लबै परमेश्‍वर ग। छतसि खोंयोंन् बिलै खीए मिं थेब् लल् त्हुम्। आमेन, छान् तरिगे।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।