चेला चिब्मैंए केमैं 3:12 - परमेश्‍वरए ताँ तमु क्युइर

¹² चु म्रोंसि पत्रुसइ म्हिमैंने बिइ, “ओ इस्राएलीमैं, चु ताँर क्हेमैं तले अचम्‍मा ङ्हाँल? ङिइ ह्रोंसए शक्‍ति अथवा भक्‍तिउँइँले चु म्हिलाइ प्रल् खाँब् लमिंइ बिसि क्हेमैं तले ङिलाइ ङ्ह्‍योबै ङ्‍ह्‍योबन् लरिल?

चेला चिब्मैंए केमैं 3:12 ပူးပေါင်းရင်းမြစ်များ

उत्पत्ति 40:8

चमैंइ चने बिइ, “ङिइ म्होंड म्होंइ। दिलेया म्होंडए अर्थ बिमिंबै म्हि चुर खाबै आयों।” योसेफइ चमैंने बिइ, “म्होंडए अर्थ परमेश्‍वरजी मत्‍त्रे सेल् खाँम्। क्हेमैंए म्होंडमैं ङने सेद्।”

उत्पत्ति 41:16

योसेफइ फारोने बिइ, “छाबै ह्रबम् ङ आरे। दिलेया परमेश्‍वरजी क्हिए म्होंडए अर्थ बिमिंब्मुँ।”

यूहन्‍ना 7:18

ह्रोंसन् ह्रब् सेब् प्हैंसि पोंब्मैंइ ह्रोंसए मान म्हैम्, दिलेया खाबइ खी कुल्मिंबै परमेश्‍‍वरए मान म्हैमुँ, चन् क्ह्रोंसेंन्बै सैं प्ह्‍याबै म्हि ग। चइ तो ताँरै या स्योर आतेनाले क्ह्रोंसेंन्बै ताँ पोंम्।

चेला चिब्मैंए केमैं 13:26

“ओ आघें-अलिमैं, अब्राहामए सन्तान्मैं, नेरो परमेश्‍वर म्हाँदिबै अरू ह्रेंर्बै म्हिमैं! परमेश्‍वरजी ङ्योए ङाँर्न चु जोगेमिंबै ताँ कुल्मिंइँमुँ।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।

चेला चिब्मैंए केमैं 3:11

छले च म्हिइ पत्रुस नेरो यूहन्‍ना क्हाब् म्रोंसि ताँन् म्हिमैं प्लेटोयासि सोलोमन बिबै ठाँटिर चमैं ङाँर न्हेखइ।

चेला चिब्मैंए केमैं 3:13

अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

रोमी 11:1

छ बिस्‍याँ परमेश्‍वरजी खीए यहूदी म्‍हिमैं त्‍याग्‍दिइ वा? आङिं, कत्ति आङिं! तलेबिस्याँ ङै या अब्राहमए सन्तानउँइँले फिबै बेन्‍यामिनए कुलर्बै इस्राइलि ग।

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

२ कोरिन्थी 3:5

ह्रोंसए भोंजीन् चु के लइ बिसि ङिइ बिबै घ्याँ आरे, दिलेया ङिइ के लबै भों परमेश्‍वरउँइँले योंम्।

दर्शन 7:13

धै ङ्हिस्युसे प्लि चिब्मैं न्‍होंर्बै घ्रिइ “च फोस्रे ब्योंबै क्‍वें खिब्‍मैं खाब् जा? चमैं खनिउँइँले खइ?” बिसि ङने ङ्योएइ।