चेला चिब्मैंए केमैं 28:5 - परमेश्‍वरए ताँ तमु क्युइर

⁵ दिलेया पावलइ च प्हुरि मिर खारवामा प्हुरिइ पावललाइ तोइ न्होह्रों आल।

चेला चिब्मैंए केमैं 28:5 ပူးပေါင်းရင်းမြစ်များ

भजनमैं 91:13

सिंह नेरो गोमनलाइ क्हिजी प्लेब्मुँ; भखर्बै सिंह नेरो प्हुरिलाइ क्हिइ प्हले न्होंर प्लेवाब्मुँ।

मर्कूस 16:18

चमैंइ प्‍हुरिमैं क्‍हाल् खाँब्‍मुँ, बिष थुँलेया तोइ न्होह्रों तरिब् आरे, चमैंइ नबै म्‍हिमैंए फिर यो थेंमा च म्हिमैं सब्मुँ।”

लूका 10:19

ङ‍ए ताँ थेद्! ङइ क्‍हेमैंलाइ प्‍हुरिमैं, बिच्‍छिमैं प्लेल् खाँब नेरो शत्तुरमैंए ताँन् शक्‍तिए फिर ट्होल् खाँबै हग पिंइमुँ। छतसि तोइ सैज्यै या क्‍हेमैंलाइ न्होह्रों लल् खाँरिब् आरे।

चेला चिब्मैंए केमैं 28:6

दिलेया “तिस्याँदे लिउँइँ बिख ल्‍हैदिसि चए ज्यु रोंलै, सर क्हुरह्‍यासि सियालै,” बिसि चर मुँबै म्हिमैंइ मैंरिल। ल्हें त्हे समा च तोइ आतब् म्रोंसि चमैंइ अरू सैंन् मैंसि “चुम् देवता ग मुँन!” बिइ।

रोमी 16:20

ङ्योलाइ शान्‍ति पिंबै परमेश्‍वरजी युनन् दुष्‍टलाइ क्‍हेमैंए प्‍हलेइ प्‍लेल् पिंब्‍मुँ। ङ्योए प्रभु येशूए थेबै दयाम्हाँया क्‍हेमैंने बालु तरिगे।