चेला चिब्मैंए केमैं 28:4 - परमेश्‍वरए ताँ तमु क्युइर

⁴ पावलए योर प्‍हुरि बेर्दिब् म्रोंसि चर्बै म्‍हिमैंइ, “चु म्‍हि क्ह्रोंसेंन्ले म्हि सैबै म्हि तल् त्‍हुम्! च मा ङ्युँइउँइँले सोइ खलेना निसाफउँइँले चु स्योरल् आखाँ,” बिसि खेंमैंए न्होंर बिबर होंइ।

चेला चिब्मैंए केमैं 28:4 ပူးပေါင်းရင်းမြစ်များ

उत्पत्ति 3:1

याहवेह परमेश्‍वरजी बनेबै क्ह्‍योंर्बै सो प्ह्‍याबै सैमैं न्होंरि प्हुरि ताँन् भन्दा स्योर्गु मुँल। चइ च्हमिरिने “परमेश्‍वरजी क्हेमैंने बगैंचार्बै सिंधुँर्बै रो खाबै या आचद् बिइमुँ वा?” बिसि ङ्योएइ।

हितोपदेश 28:17

म्हि सैए सैं खोंयोंइ छिं आङ्हाँ; छतसि चए छ्ह तिगोंन् च खैता-खैता तप्रम्; दिलेया खाबज्यै चलाइ आल्होरिगे, चए ख खाबज्यै आलरिगे।

मत्ती 23:35

ओंसों ओंनोंबै छ्याब् आरेबै म्‍हिमैं सैवाबै सजैं क्‍हेमैंए फिर्न तरिगे बिसि ङए ताँ बिमिंब्मैं कुल्मिंब्‍मुँ। तोइ छ्याब् आरेबै हाबिल नेरो बेरेक्याहए च्‍ह जकरिया सैवाबै पापए सजैं क्‍हेमैंए फिर्न खब्मुँ। मन्दिर नेरो होम् पिंबै क्‍ल्‍ह्‍योए म्‍हाँजोर क्‍हेमैंइ जकरिया सैवाइ।

मत्ती 27:25

छबिमा चर्बै ताँन् म्हिमैंइ बिइ, “चुलाइ सैबै छ्याब् ङि नेरो ङिए सन्‍तानए फिर्न तरिगे।”

लूका 13:2

छबिमा येशूजी चमैंने बिइ, “चमैंइ छाबै ङ्हिंन् तबै दुःख योंइ बिबर्न अरू गालीलथेंमैं भन्दा चमैं पापि मुँन बिसि क्हेमैंइ मैंल् वा?

लूका 13:4

झाइले अर्को ताँ, सिलोआम बिबै क्ल्ह्‍योर्बै धरर फुयासि च्युसे प्रे म्‍हि सि‍याल। चमैं या अरू यरूशलेमथेंमैं भन्दा ल्हें पापिमैं तसि सिब् वा?

यूहन्‍ना 7:24

छतसि म्हि ङ्‍ह्‍योसि निसाफ आलद्, दिलेया छेनाले ताँ क्होसि निसाफ लद्।”

चेला चिब्मैंए केमैं 28:2

चर्बै म्‍हिमैंइ ङि फिर बेल्‍ले ल्हयो खइ। च त्हेर नाँ युसि बेल्‍ले खुँल। छतसि चमैंइ मि फुइसि ङि मि त्‍हेबर हुइसि मान लइ।

चेला चिब्मैंए केमैं 28:3

पावलज्यै या प्हैं घ्रि सिं खुसि मिर झोंइ। मिए राबाइ लमा प्‍हुरि घ्रि त्होंखसि पावलए योर बेर्दि‍याइ।

चेला चिब्मैंए केमैं 28:5

दिलेया पावलइ च प्हुरि मिर खारवामा प्हुरिइ पावललाइ तोइ न्होह्रों आल।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”