चेला चिब्मैंए केमैं 28:27 - परमेश्‍वरए ताँ तमु क्युइर

²⁷ तलेबिस्याँ चमैंए खों सारो तइमुँ, चमैंए न्ह थेल् आखाँब् तइमुँ, धै चमैंइ मि च्‍युँल्‍ले टिइमु। आस्याँ चमैंए मिइ म्रोंब्मुँ, चमैंए न्हइ थेब्मुँ, चमैंए खोंइ क्होब्मुँ, धै चमैं सैं एसि ङ ङाँर खब्मुँ, ङइ चमैंलाइ सल् लमिंब्मुँ बिसि परमेश्‍वरजी बिइमुँ।

चेला चिब्मैंए केमैं 28:27 ပူးပေါင်းရင်းမြစ်များ

भजनमैं 119:70

चमैंए खों सारो मुँ, चमैंइ खाबलाज्यै या दयाम्हाँया आल। दिलेया ङए सैं बिस्याँ क्हिए ठिमर्बै ताँमैंर्न तोंरिम्।

मत्ती 13:14

स्‍योंम्‍बै यशैया अगमबक्‍ताइ बिबै ताँ चमैंने क्‍ह्रिखइमुँ: क्‍हेमैंइ थेबम् थेमुँ, थेलेया आक्‍हो, ङ्‌ह्‍योबम् ङ्‌ह्‍योमुँ, दिलेया आम्रों।

मत्ती 13:15

तलेबिस्याँ चु म्‍हिमैंए सैं क्होल् आखाँब् तइमुँ। चमैंए न्‍ह थेल् आखाँब् तइमुँ, झाइले चमैंए मि च्युँ लइमुँ। तिंयाँ चमैंए मिइ म्रोंल् खाँस्‍याँ, चमैंए न्‍हइ थेल् खाँस्‍याँ, झाइले चमैंए सैंइ क्‍होल् खाँस्‍याँ, चमैं ङ ङाँइ एखमल, धै ङइ चमैं सल् लमिंमल।