चेला चिब्मैंए केमैं 28:22 - परमेश्‍वरए ताँ तमु क्युइर

²² दिलेया क्‍हिए सैंर मैंबै ताँमैं ङिइ क्हिउँइँलेन् थेदा ङ्हाँइँमुँ, तलेबिस्याँ खन्तोदोंन् म्हिमैंइ क्हिए टोलिमैंए बारेर बिरोध लसि पोंरिब ङिइ थेइमुँ।”

चेला चिब्मैंए केमैं 28:22 ပူးပေါင်းရင်းမြစ်များ

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

चेला चिब्मैंए केमैं 15:5

दिलेया फरिसीमैं न्होंर्बै प्रभुए फिर बिश्‍वास लबै को-कोइ म्हिमैं रासि बिइ, “ज्युर चिनु लसि चमैंइ मोशाए ठिमर प्ह्रिबै ताँ लद् बिसि अरू ह्रेंमैंलाज्यै या ल्‍हैदिल् त्‍हुम्।”

चेला चिब्मैंए केमैं 24:14

ङ क्हिए उँइँर चु ताँ बिमुँ: चु मुक्‍ति पिंबै घ्याँने चुमैंइ स्योर्गु घ्याँ बिम्, दिलेया ङ च घ्याँर प्रसि ङए खेमैंए परमेश्‍वरए मिं क्वेम्। धै मोशाइ पिंबै ठिमर मुँबै ताँ नेरो स्योंम्बै अगमबक्‍तामैंइ प्ह्रिबै कितबमैंर बिबै ताँन् ताँ ङइ क्वेंम्।

चेला चिब्मैंए केमैं 26:5

ङ्योए यहूदीमैंए धर्म न्होंरि फरिसीमैं ताँन् भन्दा कट्टर टोलि मुँ। ङै या फरिसी तसि छ्ह थोमल बिसि ओंसों ओनोंन् चमैंइ सेइमुँ। चमैंइ बिदा ङ्हाँस्याँ चु ग्वाइ पिंल् खाँम्।

चेला चिब्मैंए केमैं 5:17

छतमा ख्रो पिंबै खेगि क्रथे नेरो चने बालु मुँबै सदुकीमैं ताँनइ कुल्मिंबै चेला चिब्मैंए फिर ह्रिस लसि चमैंए बिरोध लबर होंइ।

रोमी 1:8

ओंसों बिल् त्हुबै ताँ, येशू ख्रीष्‍टए फिर क्‍हेमैंइ बिश्‍वास लइमुँ बिबै छ्याँबै ताँमैंए बयन ह्‍युल तिगोंन् थेनेइमुँ। छतसि क्‍हेमैं ताँनए ल्हागिर येशू ख्रीष्‍टउँइँले ङए परमेश्‍वरलाइ धन्‍यबाद पिंम्।

१ कोरिन्थी 11:19

(छ्याँब नेरो आछ्याँबै म्‍हि छेनाले सेबै ल्हागिर क्‍हेमैं न्‍होंर आक्ह्रिबै ताँमैं या तलन् त्हुम्।)

१ पत्रुस 2:12

बरु क्‍हेमैं येशूए फिर बिश्‍वास आलब्‍मैंए उँइँर छ्याँबै छ्ह थोद्। म्हिमैंइ क्‍हेमैंलाइ आछ्याँबै के लब्मैं बिसि क्हेमैंए बिरोधर पोंलेया क्हेमैंए छ्याँबै के चमैंइ म्रोंरिगे धै प्रभु येशू युबै त्हिंइर चमैंइ परमेश्‍वरए मिं क्वेरिगे।

१ पत्रुस 3:16

दिलेया क्हेमैं ह्रिस आखल्‍ले, मान तल्‍ले पोंल् त्हुम्। क्हेमैंए बिरोधर पोंब्मैं नेरो ख्रीष्‍टए लिलि प्रसि क्हेमैंइ लबै के आखोबै म्हिमैं फापिन् तरिगे बिसि क्हेमैंए सैं छ्याँब तल् त्हुम्।