चेला चिब्मैंए केमैं 28:20 - परमेश्‍वरए ताँ तमु क्युइर

²⁰ छतसि ङइ क्हेमैंने त्होसि चु ताँमैं क्होमिंबर क्हेमैंलाइ हुइब् ग। तलेबिस्याँ ‘परमेश्‍वरजी मुक्‍ति पिंबै म्रुँ ख्रीष्‍ट कुल्मिंब्मुँ,’ बिसि ङ्यो इस्राएलीमैंइ आशा थेंइमुँ। झाइले च म्रुँ युल् खाँइ बिसि ङइ बिप्रबइले ङ चु सँउँलिइ फैथेंइँमुँ।”

चेला चिब्मैंए केमैं 28:20 ပူးပေါင်းရင်းမြစ်များ

चेला चिब्मैंए केमैं 10:29

छतसि क्हेमैंइ हुइबै तोंदोंन् तोइ आङ्हाँन्ले ङ क्हेमैं ङाँर खइ। लु बिद्, क्हेमैंइ ङलाइ तले हुइल?”

चेला चिब्मैंए केमैं 10:33

छ बिबै तोंदोंन क्हि ङाँर म्हि कुल्मिंइ, धै क्हि या गार आम्हाँदिन्ले खमिंइ। तारे प्रभुजी क्हिने बिद् बिबै ताँमैं थेबै ल्हागिर ङि ताँन् चुर परमेश्‍वरए उँइँर खागु तइमुँ।”

चेला चिब्मैंए केमैं 21:33

च पल्टनर्बै चिब खसि पावल क्हासि सँउँलि ङ्हिंइ फैबर ल्हैदिइ। धै “चु म्हि खाब् जा? चुइ तो लइ?” बिसि चर्बै म्हिमैंने ङ्योएइ।

चेला चिब्मैंए केमैं 23:6

च थेबै म्हि च्होंर सदुकीमैंए टोलि नेरो फरिसीमैंए टोलि मुँन बिब सेसि पावलइ थेबै कैले बिइ, “ओ अलिमैं, ङम् फरिसीमैंए च्ह फरिसीन् ग। म्हि सिइरि धबै सोगों तब्मुँ बिबै आशा ङइ थेंबइले ङए फिर चु मुद्दा ल्हैदिइमुँ।”

चेला चिब्मैंए केमैं 24:15

छ्याँब ने आछ्याँबै के लब्मैं ङ्हिंना-ङ्हिंन् सिइरि सोगों तम् बिसि चुमैंइ क्वेंब् धोंलेन् ङज्यै या परमेश्‍वरए फिर आशा थेंम्।

चेला चिब्मैंए केमैं 26:29

पावलइ बिइ, “तिस्यार्न मुरिद् उ ल्हें त्हेर्न मुरिद्, चु सँउँलिमैं पिसि, क्हि मत्‍त्रे आङिं, तिंयाँ ङए ताँ थेब्मैं ताँन् ङ धोंबन् तरिगे बिसि ङ परमेश्‍वरने प्राथना लम्।”

चेला चिब्मैंए केमैं 28:17

सोंरो लिउँइँ पावलइ चर्बै यहूदीमैंए चिबनाँब्मैं हुइसि खागु लइ। चमैं खागु तबै लिउँइँ पावलइ चमैंने बिइ, “ओ अलिमैं, ङ्योए ह्‍युलर्बै म्हिमैं नेरो ङ्योए खेमैंए रोसमैंए बिरोधर ङइ तोइ आछ्याँबै के आलल। दिलेया म्हिमैंइ ङ यरूशलेमर क्हासि रोमीमैंए योर पिंवाइमुँ।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

एफिसी 6:20

धै ङइ खैले पोंल् त्हुम् छलेन आङ्हिंन्ले पोंल् खाँरिगे बिसि ङए ल्हागिरै या प्राथना लमिंन्।

फिलिप्पी 1:13

येशू ख्रीष्‍टए सैं तोंबै ताँ ङइ बिप्रबै लमा ङ झेलर च्युवाब् ग बिसि दरबारर्बै सिपाइमैं नेरो ताँन् म्हिमैंइ सेइमुँ।

कलस्सी 4:18

ङए योउँइँले ङइ चु ताँ प्‍ह्रिइमुँ: ङ पावलउँइँले जय मसीह मुँ। ङ झेलर च्युइमुँ आम्‍लेल्‍ले ङए ल्हागिर प्राथना लमिंन्। परमेश्‍वरए दयाम्हाँया क्‍हेमैंने तरिगे।

२ तिमोथी 1:10

चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

२ तिमोथी 2:9

ङइ चु सैं तोंबै ताँ अरू म्हिमैंने बिमिंबै लमा ङ अप्रादिमैं धोंले सँउँलिइ फैसि दुःख नोल् त्‍हुइमुँ। दिलेया परमेश्‍वरए ताँम् खाबज्यै या फैथेंल आखाँ।

फिलेमोन 1:10

ङए च्ह ओनेसिमसए ल्हागिर ङ क्‍हिने यो छ्युँ लम्। ङ झेलर मुँबै त्हेर ङइ चने प्रभुए ताँ बिमा चइ प्रभुए फिर बिश्‍वास लइ। छतसि च ङए च्ह धोंन् ग।

फिलेमोन 1:13

ङ ङाँर्न चलाइ थेंदा ङ्हाँल, तलेबिस्याँ सैं तोंबै ताँ बिप्रइ बिसि ङलाइ झेलर च्युवामा क्‍हिए क्ल्होरि चइ ङए सेवा लमल।