चेला चिब्मैंए केमैं 28:17 - परमेश्‍वरए ताँ तमु क्युइर

¹⁷ सोंरो लिउँइँ पावलइ चर्बै यहूदीमैंए चिबनाँब्मैं हुइसि खागु लइ। चमैं खागु तबै लिउँइँ पावलइ चमैंने बिइ, “ओ अलिमैं, ङ्योए ह्‍युलर्बै म्हिमैं नेरो ङ्योए खेमैंए रोसमैंए बिरोधर ङइ तोइ आछ्याँबै के आलल। दिलेया म्हिमैंइ ङ यरूशलेमर क्हासि रोमीमैंए योर पिंवाइमुँ।

चेला चिब्मैंए केमैं 28:17 ပူးပေါင်းရင်းမြစ်များ

उत्पत्ति 40:15

तलेबिस्याँ क्ह्रोंसेंन म्हिमैंइ ङलाइ हिब्रूमैंए ह्‍युलउँइँले क्हासि पखब् ग। धै चुरै या झेलर टिल् त्हुबै के ङइ तोइ आलल।”

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 22:5

चु ङइ बिबै ताँ क्ह्रोंसेंन् ग बिसि ख्रो पिंबै खेगि क्रथे नेरो ताँन् थेबै म्हि च्हों या ग्वाइ पिंल् खाँम्। खेंमैंउँइँले ङइ दमस्‍कस सहरर्बै यहूदीमैंए मिंर प्ह्रिछ्या योंइ। छले हग योंसि ङइ दमस्‍कसर मुँबै प्रभुए फिर बिश्‍वास लब्मैं सजैं पिंबर फैसि यरूशलेमर पखबर दमस्कसर ह्‍याल।

चेला चिब्मैंए केमैं 23:33

घोडा क्रेबै सिपाइमैं कैसरियार फेबै लिउँइँ रोमी क्रथे फेलिक्‍सने प्ह्रिछ्या पिंसि पावल या चए जिम्मर्न पिंइ।

चेला चिब्मैंए केमैं 25:10

पावलइ बिइ, “ङ कैसर म्रुँए निसाफ लबै क्‍ल्‍ह्‍योर्न रारिइमुँ, चुर्न ङए निसाफ तल् त्‍हुम्। यहूदीमैंला ङइ तोइ न्होह्रों आलइमुँ। चु ताँ क्हिज्यै या छेनालेन् सेइमुँ।

चेला चिब्मैंए केमैं 25:2

चर ख्रो पिंबै खेगि चिब्मैं नेरो यहूदीमैंए न्होंर्बै क्रथे मिंथेमैंइ पावलए फिर छ्याब् ल्हैदिइ।

चेला चिब्मैंए केमैं 25:8

पावलइ ह्रोंसए बारेर पोंदै छ बिइ, “ङइ यहूदीमैंए ठिमए बिरोधर, मन्दिरए बिरोधर नेरो कैसरए बिरोधर तोइ आछ्याँबै के आलइमुँ।”

चेला चिब्मैंए केमैं 6:14

नासरतर्बै येशूइ चु मन्दिर नास लवासि मोशाइ ङ्योने पिंबै ठिममैं या फेर्दिवाम् रो बिब ङिइ थेइ!”