चेला चिब्मैंए केमैं 28:15 - परमेश्‍वरए ताँ तमु क्युइर

¹⁵ रोमर्बै प्रभुए फिर बिश्‍वास लबै अलि-अङाँमैंइ ङि खसिन् मुँ बिबै ताँ थेसि को-कोइ म्हिमैं ङिने त्होबर अप्‍पियस बिबै बजार नेरो सों पाटि बिबै क्ल्ह्‍यो समा खइ। चमैं म्रोंसि पावलइ भों योंसि परमेश्‍वरलाइ धन्यबाद पिंइ।

चेला चिब्मैंए केमैं 28:15 ပူးပေါင်းရင်းမြစ်များ

भजनमैं 27:14

याहवेहए घ्याँ ङ्‍ह्‍योरिद्; सैं च्योंब आलद्, खीजी क्हिए सैं भोंब् लमिंब्मुँ; छतसि ङ बिमुँ! याहवेहए घ्याँ ङ्‍ह्‍योरिद्।

प्रस्थान 4:14

छबिमा याहवेह मोशाए फिर ह्रिस खसि बिइ, “लेबी कुलर्बै हारून क्हिए आघें आरे वा? ङइ सेइमुँ च छेनाले पोंल् खाँम्। च क्हिलाइ त्होबर खसिन्मुँ, क्हिलाइ म्रोंसि च सैं तोंब्मुँ।

यूहन्‍ना 12:13

झाइले चमैंइ छोडाए हाँगमैं छेसि “होसन्‍ना! याहवेहए मिंर युबै इस्राएलर्बै म्रुँए जय जय तरिगे!” बिदै ओरदै खीए मान लबर त्होंइ।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 10:23

झाइले पत्रुसइ चमैं धिं न्होंर हुइसि चमैंए मान लइ। प्‍हँन्हाँग्धों पत्रुस रेसि चमैंने बालु ह्‍याइ, धै योप्पार्बै बिश्‍वासीमैं या चने बालुन् ह्‍याइ।

चेला चिब्मैंए केमैं 10:25

पत्रुस फेखसि धिं न्होंर होंबि छेमा कर्नेलियस चने त्होसि चए प्हले क्हासि फ्योइ।

चेला चिब्मैंए केमैं 11:1

अरू ह्रेंमैंज्यै या परमेश्‍वरए ताँ क्वेंइ रो बिबै ताँ यहूदीयार्बै प्रभु येशूजी कुल्मिंबै चेला चिब्मैं नेरो अरू बिश्‍वासीमैंइ थेइ।

चेला चिब्मैंए केमैं 11:12

झाइले पबित्र प्ल्हजी, ‘चमैंने बालु तोइ आङ्हाँन्ले ह्‍याद्,’ बिसि ङने बिइ। छबिमा चु अलिमैं टुग्लो या ङने बालुन् कैसरिया नाँसर ह्‍यासि ङि कर्नेलियसए धिंर होंइ।

चेला चिब्मैंए केमैं 12:17

पत्रुसइ तोइ आबिद् बिसि योइ हस्त लइ, झाइले प्रभुजी च झेलउँइँले खैले बैरु तेमिंइ बिबै ताँ चमैंने बिइ। धै “चु ताँ याकूब नेरो अरू आघें-अलिमैंने या बिद् ओ,” बिसि च छाइले अर्को क्ल्ह्‍योर छ्युडिह्‍याइ।

चेला चिब्मैंए केमैं 21:5

च क्ल्ह्‍योउँइँले ङि प्रबै त्हे तबइले ङि चमैंने फ्रेसि ह्रोंसए घ्याँ क्हामा। चर्बै प्रभुए फिर बिश्‍वास लब्मैंइ ह्रोंसए परवा, प्हसेमैं ताँन् किंसि ङि सहरए बैरु समन् सबर खइ। धै ङि मा ङ्युँइए छेउर च्हि तुँसि प्राथना लइ, धै चमैंने फ्रेसि

चेला चिब्मैंए केमैं 28:14

चर ङिइ प्रभुए फिर बिश्‍वास लबै अलि-अङाँमैं त्होइ। चमैंइ “सद घ्रि समा ङिने टिमिंन्” बिइ। छतसि ङि ङिरो चमैंनेन् टिबै लिउँइँ ङि रोम बिबै सहरर फेखइ।

रोमी 15:24

छतसि तारे ङ स्‍पेन बिबै ह्‍युलर ह्‍यासिन्मुँ, च्हमन् क्‍हेमैंने त्‍होबै आशा मुँ। चर क्हेमैंने तिस्‍याँदेन् बिलै संगति लदा ङ्हाँइमुँ। धै स्‍पेन ह्‍याबै ल्हागिर क्‍हेमैंइ ङलाइ ल्होलै ङ्हाँइमुँ।

२ कोरिन्थी 2:14

परमेश्‍वरलाइ धन्‍यबाद तरिगे! तलेबिस्याँ खीजी ङ्योलाइ ख्रीष्‍ट येशूने घ्रिन् लमिंसि ट्होगों घ्याँर डोरेब्मुँ! धै छ्याँबै थाँ खबै धुप धों तबै खीए ज्ञानए ताँमैं ङ्योउँइँलेन् ताँन् क्‍ल्‍ह्‍योजरे फेनेब्मुँ।

गलाती 4:14

ङ छले नसि क्‍हेमैंलाइ ल्हें दुःख पिंलेया तो तलै तरिगे बिसि क्‍हेमैंइ ङलाइ हेल आल, दिलेया परमेश्‍वरए स्वर्गदूत नेरो ख्रीष्‍ट येशूलाइन धोंले क्‍हेमैंइ ङलाइ म्हाँया लइ।

१ थेसलोनिकी 3:7

ओ अलि-अङाँमैं, ङिए फिर दुःख तनाबिलेया क्‍हेमैंए बिश्‍वासए बारेर थेल् योंमा ङिए सैं क्होइमुँ।

हिब्रू 13:3

कोइ म्हिमैं झेलर मुँस्याँ ह्रोंसै या चमैंने झेलर मुँब् धों ङ्हाँसि चमैंए वास्था लद्। छलेन दुःख योंब्मैं म्रोंमा ह्रोंसइन दुःख योंब् धों ङ्हाँन्। तलेबिस्याँ क्हेमैं फिरै या छ तल् खाँम्।