चेला चिब्मैंए केमैं 28:14 - परमेश्‍वरए ताँ तमु क्युइर

¹⁴ चर ङिइ प्रभुए फिर बिश्‍वास लबै अलि-अङाँमैं त्होइ। चमैंइ “सद घ्रि समा ङिने टिमिंन्” बिइ। छतसि ङि ङिरो चमैंनेन् टिबै लिउँइँ ङि रोम बिबै सहरर फेखइ।

चेला चिब्मैंए केमैं 28:14 ပူးပေါင်းရင်းမြစ်များ

उत्पत्ति 7:4

तारेबै ङिरोर ङइ पृथ्‍बीर प्लिच्यु त्हिंइ प्लिच्यु म्‍हुँइस नाँ कुलब्मुँ। धै ङइ बनेबै सो प्ह्‍याबै सैमैं ताँनन् पृथ्‍बीउँइँले नास लवाब्मुँ।”

भजनमैं 119:63

क्हिने ताँन् ङ्हिंब्मैंए थु ङ ग; ओं, क्हिजी ल्हैदिबै के ताँन् लब्मैंए थु ङ ग।

मत्ती 10:11

“सहरर मुँले नाँसर मुँले क्हेमैं ह्‍यासि चर्बै छ्याँबै सैं प्ह्‍याबै म्‍हि म्हैसि च नाँसर टिन् समा च म्‍हि ङाँर्न टिद्।

यूहन्‍ना 21:23

छतसि च चेला सिरिब आरे बिबै ताँ अरू अलिमैं न्होंर थेनेइ। दिलेया येशूजी “च आसि” आबिल। “ङ आयुन् समा च सोरिगे बिब ङए सैं मुँलेया क्‍हिलाइ च ताँ तले चैदिइ?” बिसि खीजी बिल।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 19:1

अपोल्‍लस कोरिन्‍थ सहरर मुँमा पावल एशिया ह्‍युलउँइँले एफिसस सहरर खइ। चर्बै को-कोइ चेलामैंने त्होसि

चेला चिब्मैंए केमैं 20:6

ङि बिस्याँ प्लेढा आझोंबै क्हें चबै त्हिंइए लिउँइँ फिलिप्‍पी शहारउँइँले क्यु झाजर क्रेसि ङ्‍हरोर त्रोआस बजारर चमैं ङाँर फेखइ, धै चर ङि ङिरो टिइ।

चेला चिब्मैंए केमैं 21:4

झाइले ङि चर्बै चेलामैंने त्होसि ङिरो चर्न टिइ। पबित्र प्ल्हउँइँले चमैंइ “यरूशलेमउँइँ आह्‍याद्!” बिसि पावलने बिइ।

चेला चिब्मैंए केमैं 28:13

सुराकुसाइउँइँले ङि मा ङ्युँइए छेउ-छेउउँइँले रेगियन सहरर फेखइ। चए प्हँन्हाँग्धों ल्हुँउँइँले (दक्षिणउँइँले) खैं खइ, धै नुयुँम्धों ङि पटिओलि बिबै सहरर फेखइ।

चेला चिब्मैंए केमैं 28:15

रोमर्बै प्रभुए फिर बिश्‍वास लबै अलि-अङाँमैंइ ङि खसिन् मुँ बिबै ताँ थेसि को-कोइ म्हिमैं ङिने त्होबर अप्‍पियस बिबै बजार नेरो सों पाटि बिबै क्ल्ह्‍यो समा खइ। चमैं म्रोंसि पावलइ भों योंसि परमेश्‍वरलाइ धन्यबाद पिंइ।

चेला चिब्मैंए केमैं 28:21

पावलए ताँ थेसि चमैंइ बिइ, “ङिइमि क्हिए बारेर यहूदीया ह्‍युलउँइँले तोइ प्ह्रिछ्या आयोंइँमुँ। धै अलि-अङाँमैं खाबै खसि क्हिए बिरोधर आछ्याँब ताँ तोइ आपोंइँमुँ।

चेला चिब्मैंए केमैं 6:3

छतमा ओ अलि-अङाँमैं, क्हेमैंए न्होंउँइँलेन् पबित्र प्ल्हजी नेरो बुद्धिइ प्लिंब धै ताँनइ म्हाँदिबै म्हि ङिउँलो त्हाँन्। धै ङ्योइ चमैंलाइ चु चब् चुबै के पिंले।

चेला चिब्मैंए केमैं 9:30

चु ताँ था सेसि येशूए फिर बिश्‍वास लबै आघें-अलिमैंइ शाऊल कैसरियार पखइ, धै च क्ल्ह्‍योउँइँले टार्ससर कुल्मिंइ।

रोमी 1:13

ङए अलि-अङाँमैं, क्हेमैंइ चु ताँ सेरिगे बिब ङए सैं मुँ। ङइ अरू ह्रेंर्बै म्हिमैं बिश्‍वासर पखसि चमैंलाइ परमेश्‍वरए के छेनाले लल् खाँब्मैं लमिंइ। छलेन क्‍हेमैंलाज्यै बिश्‍वासर भोंब् लमिंसि परमेश्‍वरए के छेनाले लल् खाँब्मैं लमिंबै ल्हागिर क्हेमैं ङाँर ङ ल्हें खे खबै सैं लइ, दिलेया तो आङिं तो के पर्दिबइले तोगो समा खल् आयों।