चेला चिब्मैंए केमैं 27:5 - परमेश्‍वरए ताँ तमु क्युइर

⁵ झाइले किलिकिया नेरो पामफिलियाए क्योंजउँइँबै मा ङ्युँइर फेसि ङि लुकिया ह्‍युलर्बै माइरा बिबै सहरर फेखइ।

चेला चिब्मैंए केमैं 27:5 ပူးပေါင်းရင်းမြစ်များ

चेला चिब्मैंए केमैं 13:13

पावल नेरो चए थुमैं पाफोसउँइँले क्‍यु झाजर क्रेसि पामफिलिया ह्‍युलर्बै पर्गार फेनेइ। दिलेया मर्कूस बिबै यूहन्‍ना बिस्याँ चमैंने फ्रेसि च क्ल्ह्‍योउँइँले यरूशलेमर एह्‍याइ।

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

चेला चिब्मैंए केमैं 15:38

दिलेया पावलइ मर्कूस खेंमैंने बालु बोयाब आतलै ङ्हाँइ, तलेबिस्याँ चइ लल् त्हुबै के पूरा आलल्‍ले ओंसोंन् पामफिलिया ह्‍युलउँइँले चमैंने फ्रेसि एह्‍याल।

चेला चिब्मैंए केमैं 15:41

चमैं सिरिया नेरो किलिकियाजरे स्युरदै बिश्‍वासीमैं भोंब् लमिंदै प्रइ।

चेला चिब्मैंए केमैं 2:10

झाइले फ्रिगिया, पामफिलिया, मिश्र नेरो कुरेनी चेंदोले मुँबै लिबियार्बै ल्हें क्ल्ह्‍योउँइँले खब्मैं नेरो रोम ह्‍युलउँइँले खबै यहूदी नेरो यहूदीमैंने क्ह्रिब्मैं ङ्हिना ङ्हिन् मुँ।

चेला चिब्मैंए केमैं 21:39

छबिमा पावलइ बिइ, “आङिं चिब। ङम् किलिकिया ह्‍यलर्बै टार्ससथें यहूदी ग। च टार्सस थेबै सहर ग। चु म्हिमैंने ङइ ताँ तिजी-ङ्हिजी बिल् पिंन् ओ।”

चेला चिब्मैंए केमैं 22:3

“ङ किलिकिया ह्‍युलर्बै टार्ससथें यहूदी ग, दिलेया ङ चु यरूशलेमर गमलिएल बिबै ङए गुरुए योउँइँले फारब् ग। धै ङ्योए खेमैंइ म्हाँदिबै रोसमैं ङइ छेनाले लोइमुँ। तिंयाँ क्‍हेमैंइ परमेश्‍वरलाइ सैं न्होंउँइँले म्‍हाँदिब् धोंले ङज्‍यै या खीलाइ म्‍हाँदिदा ङ्हाँइँमुँ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

गलाती 1:21

च लिउँइँ ङ सिरिया नेरो किलिकिया बिबै ह्‍युलउँइँ ह्‍याइ।