चेला चिब्मैंए केमैं 27:42 - परमेश्‍वरए ताँ तमु क्युइर

⁴² च त्हेर कैदिमैं क्युर क्योवालसि न्हेह्‍याम् उ बिब् मैंसि सिपाइमैंइ चमैं सैबै सैं लइ।

चेला चिब्मैंए केमैं 27:42 ပူးပေါင်းရင်းမြစ်များ

भजनमैं 74:20

ह्‍युलर्बै मिछु खैबै क्‍ल्‍ह्‍योर म्हिसैब्मैंइ प्लिंरिइमुँ, छतसि क्हिजी फैबै बाछा मैंमिंन्।

हितोपदेश 12:10

ठिक के लबै म्हिइ ह्रोंसए खेदोमैं वास्ता लम्, दिलेया दुष्‍ट म्हिमैंइ ह्रोंसए खेदोमैं ल्हयो आख।

चेला चिब्मैंए केमैं 12:19

हेरोदइ चलाइ म्हैबर हुकुम पिंइ। दिलेया खनरै म्हैसे आयोंमा सिपाइमैंलाइ केर्दिसि चमैंलाइ सैबर ल्हैदिइ। हेरोद बिस्याँ यहूदीयाउँइँले कैसरिया सहरर ह्‍यासि चर्न टिइ।

चेला चिब्मैंए केमैं 27:24

च स्वर्गदूतइ ङने बिइ, ‘ओ पावल, आङ्हिंन्! क्हि कैसर म्रुँए उँइँर खैलसे या राल् त्हुम्। धै क्हिने क्यु झाजर क्रेब्मैं ताँनए ज्यु परमेश्‍वरजी क्हिए योर पिंइमुँ।’

चेला चिब्मैंए केमैं 27:41

क्यु झाज छले ह्‍यारिमा क्यु न्होंर्बै बालुवाए रासर थुरसि चर्न क्होयाइ, धै क्यु झाजए ओंसोंबै भाग क्होयासि ओलेल् आखाँ। छतमा लिउँइँबै भाग क्युए भेल्गइ चोवाबर होंइ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।