चेला चिब्मैंए केमैं 27:4 - परमेश्‍वरए ताँ तमु क्युइर

⁴ च क्ल्ह्‍योउँइँले ङि क्रेबै क्यु झाज धबै मा ङ्युँइउँइँ ह्‍यारिमा मा ङ्युँइर थेबै खैं खबइले ङि खैंउँइँले जोगेरिगे बिसि साइप्रस बिबै टापू लिउँइँ ततै ह्‍याइ।

चेला चिब्मैंए केमैं 27:4 ပူးပေါင်းရင်းမြစ်များ

मत्ती 14:24

दिलेया चेलामैं क्रेबै डुँङ्गा मा ङ्युँइए छ्योगउँइँले ल्हें ह्रेंगो फेनेल् खाँल। च त्हेर्न खैं उल्टोले खसि क्‍युए भेल्‍गाइ डुँङ्गा प्लिंवाबि छेल।

मर्कूस 6:48

च त्हेर उल्टोले थेबै खैं खसि डुङ्गा ओलेब बेल्‍ले गारो तरिल। नाँ न्होबै छझँ, सों ह्राबै त्हेजरे येशू तालए फि फि प्रखसि चेमैं भन्दा ओंसों ह्‍याल् म्हैइ।

लूका 8:22

तिगें येशू ह्रोंसए चेलामैंने डुँङ्गार क्रेसि “तारे, ङ्यो तालए क्‍योंजा ह्‍याले ओ,” बिसि ह्‍याइ।

चेला चिब्मैंए केमैं 13:4

पबित्र प्ल्हजी कुल्मिंबइले चमैं सिलुकिया नाँसर ह्‍याइ, छाइले झाजर क्रेसि साइप्रस बिबै टापुएउँइँ ह्‍याइ।

चेला चिब्मैंए केमैं 15:39

च ताँइ लमा चमैं न्होंरि सैं ख्रेलेयासि चमैं फ्रेयाइ। धै बारनाबास मर्कूस किंसि मा ङ्युँइए क्याँ ततै साइप्रस बिबै टापूर ह्‍याइ।

चेला चिब्मैंए केमैं 21:16

ङिने बालु कैसरियार्बै को-कोइ चेलामैं या ह्‍याल। चमैंइ ङिलाइ मनासोन बिबै साइप्रसथेंए धिंर बोइ। च ओंसोंन प्रभुए फिर बिश्‍वास लबै म्हि मुँल। चए ङाँर्न ङि टिइ।

चेला चिब्मैंए केमैं 21:3

छले ह्‍यामा ङि साइप्रस बिबै टापूए चेंदो फेखमा ङिइ च टापूए त्हेब्ब्रेउँइँले सिरिया ह्‍युलउँइँ ह्‍यासि टुरोस सहरर तइ, तलेबिस्याँ क्यु झाजर्बै समनमैं चर खारल् त्हुमल।

चेला चिब्मैंए केमैं 27:7

खैंइ लमा क्यु झाज क्हैनाँले प्रबइले ल्हें त्हिंइ छ्युसि गार्ले ङि क्‍निडस बिबै क्ल्ह्‍योर फेखइ। खैंइ क्यु झाज ओंसों ह्‍याल् आपिंबइले ङि क्रेट बिबै टापूए पूर्व नेरो दक्षिण हारउँइँ ह्‍याइ, तलेबिस्‍याँ चर खैं ल्‍हें आचल्‍दिमल। चर ह्यामा सालोमोन बिबै क्‍ल्‍हो म्रोंइ।

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)