चेला चिब्मैंए केमैं 27:24 - परमेश्‍वरए ताँ तमु क्युइर

²⁴ च स्वर्गदूतइ ङने बिइ, ‘ओ पावल, आङ्हिंन्! क्हि कैसर म्रुँए उँइँर खैलसे या राल् त्हुम्। धै क्हिने क्यु झाजर क्रेब्मैं ताँनए ज्यु परमेश्‍वरजी क्हिए योर पिंइमुँ।’

चेला चिब्मैंए केमैं 27:24 ပူးပေါင်းရင်းမြစ်များ

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 19:29

छले ब्याँसिर्बै नाँसमैं नास लवामा परमेश्‍वरजी अब्राहामलाइ मैंइ। लोत टिबै क्ल्ह्‍यो नास लवामा च क्ल्ह्‍योउँइँले खीजी लोत जोगेमिंइ।

उत्पत्ति 30:27

दिलेया लाबानइ चने बिइ, “याहवेहजी क्हिउँइँले ङए फिर आशिक पिंइमुँ बिब ङइ सेइमुँ। छतसि ङए फिर दयाम्हाँया मुँस्याँ अझै टिमिंन्।

उत्पत्ति 39:23

योसेफए जिम्मार पिंबै तोइ सैलेया झेलर्बै चिबइ न्हुँ लल् आत्हुमल। तलेबिस्याँ याहवेह योसेफने बालु मुँल। योसेफइ लबै तोन्दोंरि के याहवेह परमेश्‍वरजी बेल्‍ले छ्याँब लमिंइ।

उत्पत्ति 39:5

चइ ह्रोंसए धिंर्बै नेरो ह्रोंसने मुँबै तोन्दोंरि सैए जिम्मा योसेफलाइ पिंबै त्हेसेरो योसेफ चर मुँबइले याहवेहजी च मिश्रीथेंए धिंर आशिक पिंसि चए धिं-नाँ नेरो म्रोंर रोबै ताँन् सैमैंए फिर आशिक पिंइ।

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

मत्ती 10:18

क्‍हेमैं ङए चेलामैं तबइले म्हिमैंइ क्‍हेमैं क्हासि क्रथेमैं नेरो म्रुँमैंए उँइँर राल् पिंब्‍मुँ। च त्हेर क्‍हेमैंइन चमैं नेरो अरू ह्रेंमैंने ङए ताँमैं बिमिंल् त्‍हुब्‍मुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

यूहन्‍ना 11:9

छबिमा येशूजी बिइ, “त्‍हिंयाँर च्युसे ङ्हिं घण्टा आत वा? त्‍हिंयाँर प्रब्मैंए प्हले आथुर। तलेबिस्याँ चइ चु ह्‍युलर्बै ह्‍वे म्रोंम्।

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 23:11

चए प्हँन्हाँग्धों म्‍हुँइँसर प्रभुजी पावल ङाँर रासि बिइ, “आङ्हिंन्, तलेबिस्याँ क्हिइ यरूशलेमर ङए बारेर ग्वाइ पिंब् धोंले रोम शहाररै या ग्वाइ पिंल् त्हुम्।”

चेला चिब्मैंए केमैं 25:11

ङइ परमेश्‍वरए ठिममैं आम्‍हाँदिस्‍याँ, सिल् त्हुबै के या ङइ लस्‍याँ, ङ सिबरै या तयारन् मुँ। दिलेया यहूदीमैंइ ङए फिर ल्‍हैदिबै ताँन् छ्याब्मैं क्‍ह्रोंसेंन् आङिंस्‍याँ ङ चमैंए योर खाबज्‍यै पिंल् आखाँ। छतसि ङए ताँ थेमिंन् बिसि थेबै कैसर म्रुँनेन् ङ यो छ्युँ लम्।”

चेला चिब्मैंए केमैं 27:31

छतमा पावलइ कप्‍तान नेरो सिपाइमैंने बिइ, “चु म्हिमैं क्यु झाजर आटिइ बिस्याँ क्हेमैं सोल् खाँरिब् आरे।”

चेला चिब्मैंए केमैं 27:37

(क्यु झाजर ङि ताँन् लसि ङ्हिंब्ब्रासे ङिच्युसे ट्हु म्हिमैं मुँल।)

चेला चिब्मैंए केमैं 27:42

च त्हेर कैदिमैं क्युर क्योवालसि न्हेह्‍याम् उ बिब् मैंसि सिपाइमैंइ चमैं सैबै सैं लइ।

चेला चिब्मैंए केमैं 27:44

धै अरू चर मुँब्मैं फालेजरे नेरो क्यु झाजए टुक्‍क्रजरे क्हासि क्योंजा ह्‍याद्,” कप्‍तानइ बिइ। छले ङि ताँन् छेनाले नें आम्योंल्‍ले मा ङ्युँइए छेउर फेइ।

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

फिलेमोन 1:22

अर्को ताँ ङए ल्हागिर टिबै क्ल्ह्‍यो लथेंन्, तलेबिस्याँ क्‍हेमैंए प्राथना थेसि परमेश्‍वरजी ङ क्‍हेमैं ङाँर खल् पिंम् बिसि ङए सैंर आशा लइमुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

दर्शन 1:17

खीलाइ म्रोंमा ङ सिब् धोंन् तसि खीए प्‍हलेर पत्गु तइ। दिलेया खीए क्‍योलो यो ङए फिर थेंसि खीजी बिइ, “आङ्हिंन्, ताँन् भन्दा ओंसोंबै नेरो ताँन् भन्दा लिउँइँबै ङन् ग।