चेला चिब्मैंए केमैं 27:13 - परमेश्‍वरए ताँ तमु क्युइर

¹³ च त्हेर ल्हुँउँइँले (दक्षिणउँइँले) खैं च्युगु च्युगु खबर होंमा चमैंइ सैंर मैंब् धोंन् तइ ङ्हाँसि क्यु झाज फैथेंबै अँगुसि तेवासि चमैं क्रेट बिबै टापूए रे-रे ततै ह्‍याबर होंइ।

चेला चिब्मैंए केमैं 27:13 ပူးပေါင်းရင်းမြစ်များ

भजनमैं 78:26

खीजी मुर स्यारउँइँले खैं खल् पिंइ, धै खीजी ह्रोंसए शक्तिजी न्हुरउँइँले खैं खल् पिंइ;

लूका 12:55

झाइले दक्षिणउँइँले खैं खब् सेसि क्‍हेमैंइ ‘बेल्‍ले ख्वाललै बिमुँ।’ झाइले छान् तम्।

चेला चिब्मैंए केमैं 2:11

झाइले क्रेटथेंमैं नेरो अरबीमैं या चुर मुँ। चमैंइ परमेश्‍वरए थेबै केमैंए बारेर पोंरिब ङ्योइ ह्रों-ह्रोंसए क्युइर थेरिइमुँ!”

चेला चिब्मैंए केमैं 27:12

च क्यु झाज न्हबै क्ल्ह्‍योर सर्ख थोब गारो तबइले खैलसे या फोनिक्‍सर्न फेनेसि सर्ख थोल् त्हुम् बिसि चर मुँबै ल्हें म्हिइ क्यु झाज ओलेद् बिइ। फोनिक्‍स क्रेट ह्‍युलर्बै क्यु झाज न्हबै क्ल्ह्‍यो घ्रि ग, च ल्हुउँइँ न्हुउँइँ (दक्षिण-पश्चिमउँइँ) नेरो ताइ न्हुउँइँ (उतर-पश्चिमउँइँ) ह्‍वेंब मुँ।

चेला चिब्मैंए केमैं 27:21

ल्हें त्हिंइ समा म्हिमैंइ तोइ चल् आयोंल। छतमा पावलइ चमैं ङाँर खसि बिइ, “ओ थुमैं, क्हेमैंइ ङए ताँ ङिंसि क्रेटउँइँले क्यु झाज आओलेल् त्हुमल, धै छाबै दुःख नेरो नोक्सान् क्हमैंइ आयोंमल।

चेला चिब्मैंए केमैं 27:8

बेल्‍ले गार्ले टापूए रे-रे ततै ङि “क्यु झाज न्हबर छ्याँब” बिबै क्ल्ह्‍योर फेखइ। च क्ल्ह्‍योउँइँले लासिया बिबै सहर चेंदोन् मुँल।

तीतस 1:12

क्रेटथेंमैं न्‍होंर्बै ह्रब् सेबै म्‍हि घ्रिज्‍यै या बिइमुँ, “क्रेटर्बै म्‍हिमैं खोंयोंइ बिलै स्‍योर ताँ पोंरिम्, चमैं क्ह्‍योंर्बै सिंह भालु धों तब्मैं, केर आफेबै अल्छि चफोमैं ग।”

तीतस 1:5

क्रेट ह्‍युलर लल् त्हुबै केमैं क्‍हिइ पूरा लरिगे बिसि ङइ क्‍हि चर वाथेंइ। ङइ बिब् धोंले क्हिइ नाँ-नाँसर बिश्‍वासीमैं न्‍होंर चिब्मैं त्हाँसि खटिदिद्।