चेला चिब्मैंए केमैं 27:1 - परमेश्‍वरए ताँ तमु क्युइर

¹ झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 27:1 ပူးပေါင်းရင်းမြစ်များ

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

भजनमैं 33:11

दिलेया याहवेहजी लबै चाँजोमैं बिस्याँ खोंयोंन् बिलै तरिम्, खीए खोंर मैंबै ताँमैं पुस्ता पुस्ता समा तरिम्।

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

हितोपदेश 19:21

म्हिए खोंर ल्हें चाँजोमैं तम्, दिलेया याहवेहए सैंर मैंबै ताँमैंन् पूरा तब्मुँ।

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

लूका 23:47

छतब् म्रोंसि “क्‍ह्रोंसेंन चु म्‍हि धर्मि मुँन!” बिदै रोमी कप्‍तानइ परमेश्‍वरए मिं क्वेइ।

लूका 7:2

च नाँसर रोमी कप्‍तानइ बेल्‍ले खोबै के लबै म्हि घ्रि नसि सिबिन् छेल।

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 16:10

पावलइ छाबै दर्शन म्रोंबै तोंदोंन् ङि माकेडोनियार ह्‍याबर छेइ। तलेबिस्याँ चमैंने सैं तोंबै ताँ बिमिंबर परमेश्‍वरजी ङि हुइना बिसि ङिइ सेइ।

चेला चिब्मैंए केमैं 18:2

चर चइ पोन्‍टसथें अकिलास बिबै यहूदी घ्रिने त्होइ। च ह्रोंसए प्ह्रेंस्यो प्रिस्‍किलाने इटालिया ह्‍युलउँइँले खल, तलेबिस्याँ क्‍लौडियस बिबै रोमी थेबै म्रुँइ ताँन् यहूदीमैं रोम शहारउँइँले त्होंइ ह्‍याद् बिसि ल्हैदिल। पावल चमैंने त्होबर ह्‍यासि

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 21:32

चिबइ चु ताँ थेबै तोंदोंन् सिपाइमैं नेरो कप्‍तानमैं बोसि चमैं ङाँर न्हेयाइ। चमैंइ पल्टनर्बै चिब नेरो सिपाइमैं खरिब् म्रोंमा पावल धोंब पिवाइ।

चेला चिब्मैंए केमैं 22:26

चु ताँ थेसि कप्‍तानइ पल्टनर्बै चिब ङाँर ह्‍यासि “क्हिइ तो लल् म्हैल? चु म्हिम् रोमी नागरिक मुँन,” बिइ।

चेला चिब्मैंए केमैं 23:11

चए प्हँन्हाँग्धों म्‍हुँइँसर प्रभुजी पावल ङाँर रासि बिइ, “आङ्हिंन्, तलेबिस्याँ क्हिइ यरूशलेमर ङए बारेर ग्वाइ पिंब् धोंले रोम शहाररै या ग्वाइ पिंल् त्हुम्।”

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 24:23

च लिउँइँ फेलिक्सइ कप्‍तानने “पावल छेनाले रुँसि थेंन्, दिलेया ल्हें गार आलद्। चए थुमैंइ चैदिबै सैमैं चलाइ पिंबर खस्याँ खल् पिंन्,” बिइ।

चेला चिब्मैंए केमैं 25:12

पावलए ताँ थेसि फेस्तसइ चिबनाँब्मैंने सल्‍ला लसि पावलने बिइ, “क्हिइ कैसर म्रुँ ङाँर ह्‍याम् बिबइले ङइ क्हि कैसर ङाँर्न कुलब्मुँ।”

चेला चिब्मैंए केमैं 25:25

दिलेया चु म्हि सैलन् त्हुबै केमैं ङइ तोइ आयों। धै चज्यै या रोमी थेबै म्रुँ ङाँर ह्‍याम् बिसि यो छ्युँ लबइले ङइ चु कुलबर होंइँमुँ।

चेला चिब्मैंए केमैं 27:11

दिलेया कप्‍तानइ पावलए ताँ आथेल्‍ले क्यु झाज ओलेबै म्हि नेरो क्यु झाजए क्ल्हेए ताँ क्वेंइ।

चेला चिब्मैंए केमैं 27:43

दिलेया कप्‍तानइ पावल जोगेबै सैं लसि चमैंलाइ छ लल् आपिं। बरु “क्योवालल् खाँम्मैं ताँन् क्यु झाजउँइँले ओंसों फाल् न्हेसि छेउउँइँ त्होंन्।

चेला चिब्मैंए केमैं 27:6

चर इटालिया ह्‍युलर ह्‍याबै अलेक्‍जेन्ड्रिया सहरर्बै क्यु झाज घ्रि स्यासि कप्‍तानइ ङि चर क्रेमिंइ।

चेला चिब्मैंए केमैं 28:1

ङि मा ङ्युँइए छेउर खबै लिउँइँ च टापूए मिं माल्‍टा मुँन बिसि ङिइ था योंइ।

चेला चिब्मैंए केमैं 28:16

ङि रोम खबै लिउँइँ पावल रुँबै सिपाइ घ्रिने बालो च घ्रिन् टिल् पिंइ।

हिब्रू 13:24

क्‍हेमैंए ताँन् अगुवामैं नेरो ताँन् बिश्‍वासीमैंने ङिए जय मसीह मुँ बिमिंन्। छलेन इटालिया ह्‍युलर्बै अलि-अङाँमैंज्यै या क्‍हेमैंने जय मसीह बिमिंइमुँ।