चेला चिब्मैंए केमैं 26:9 - परमेश्‍वरए ताँ तमु क्युइर

⁹ “ओंसों ङज्यै या नासरतर्बै येशूए मिंर खाँन् समा या बिरोध लल् त्हुम् बिसि मैंमल।

चेला चिब्मैंए केमैं 26:9 ပူးပေါင်းရင်းမြစ်များ

यूहन्‍ना 15:21

क्हेमैंइ ङए मिं किंसेरो म्हिमैंइ चु तोन्दोंरि दुःख क्हेमैंलाइ पिंब्मुँ। तलेबिस्याँ चमैंइ ङ कुल्मिंबै आबा ङो आसे।

चेला चिब्मैंए केमैं 21:13

दिलेया खिइ बिइ, “क्‍हेमैं छले क्रोसि ङए सैं तले च्योंब् लमुँ? प्रभु येशूए ल्हागिर ङ जेलर फैब् मत्‍त्रे आङिं, यरूशलेमर सिल् त्हुनाबिलेया ङ तयार मुँ।”

चेला चिब्मैंए केमैं 22:3

“ङ किलिकिया ह्‍युलर्बै टार्ससथें यहूदी ग, दिलेया ङ चु यरूशलेमर गमलिएल बिबै ङए गुरुए योउँइँले फारब् ग। धै ङ्योए खेमैंइ म्हाँदिबै रोसमैं ङइ छेनाले लोइमुँ। तिंयाँ क्‍हेमैंइ परमेश्‍वरलाइ सैं न्होंउँइँले म्‍हाँदिब् धोंले ङज्‍यै या खीलाइ म्‍हाँदिदा ङ्हाँइँमुँ।

चेला चिब्मैंए केमैं 22:4

येशूए घ्याँर प्रबै म्हिमैंलाइ ङइ ह्रुगुदिसि सैल् म्हैमल, मुँयुँमैं नेरो च्हमिरिमैं ङ्हिंना-ङ्हिंन् फैसि झेलर च्युवामल।

चेला चिब्मैंए केमैं 22:8

“छबिमा ‘ओ प्रभु, क्हि खाब् जा?’ बिसि ङइ ङ्योएमा खीजी ‘क्हिइ ह्रुगुदिरिबै नासरतर्बै येशू ङन् ग,’ बिइ।

चेला चिब्मैंए केमैं 24:5

“चु म्हिइ ह्‍युल तिगोंन् दुःख पिंदै प्रसि ताँन् यहूदीमैंए म्हाँजोर प्होंगि लवाम्, धै नासरतथेंए टोलिर्बै चिब तसि प्रब ङिइ स्याइमुँ।

चेला चिब्मैंए केमैं 3:17

“ओ आघें अलिमैं, क्‍हेमैं नेरो क्‍हेमैंए चिबनाँब्मैंइ येशू खाब् जा बिब् आसेसि खीलाइ सैइ बिब ङइ सेइमुँ।

चेला चिब्मैंए केमैं 3:6

झाइले पत्रुसइ चने बिइ, “ङने मारा चाँदि आरे, दिलेया ङने तो मुँ चन् ङइ क्हिलाइ पिंस्यो। नासरतर्बै येशू ख्रीष्‍टए मिंर रेसि प्रह्‍याद्।”

चेला चिब्मैंए केमैं 9:1

शाऊल अझै समा प्रभुए चेलामैंए बिरोध लसि सैबै धम्कि लदै यरूशलेमर्बै ख्रो पिंबै खेगि क्रथे ङाँर ह्‍याइ।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

रोमी 10:2

चमैंइ परमेश्‍वरलाइ बेल्‍ले छेनाले म्हाँदिदा ङ्हाँमुँ बिसि ङ साक्षि पिंल् खाँम्; दिलेया खैले म्हाँदिल् त्हुम् बिसि चमैंइ आसेइमुँ।

फिलिप्पी 3:6

जोसए बारेर बिले बिस्याँ, ङइ येशू ख्रीष्‍टए फिर बिश्‍वास लब्मैं ह्रुगुदिइ! धै ठिक केमैंए बारेर बिले बिस्याँ मोशाइ प्ह्रिबै ठिममैंइ बिब् धोंबै केमैं लसि छ्याब् आरेबै म्हि मुँल।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।