चेला चिब्मैंए केमैं 26:29 - परमेश्‍वरए ताँ तमु क्युइर

²⁹ पावलइ बिइ, “तिस्यार्न मुरिद् उ ल्हें त्हेर्न मुरिद्, चु सँउँलिमैं पिसि, क्हि मत्‍त्रे आङिं, तिंयाँ ङए ताँ थेब्मैं ताँन् ङ धोंबन् तरिगे बिसि ङ परमेश्‍वरने प्राथना लम्।”

चेला चिब्मैंए केमैं 26:29 ပူးပေါင်းရင်းမြစ်များ

प्रस्थान 16:3

इस्राएलीमैंइ चमैंने बिइ, “ङि मिश्रर याहवेहए योउँइँले सिस्याँ छ्याँब तमल। तलेबिस्याँ ङि चर ह्‍योबै भाँडोए कारग्युले क्हुँसि से नेरो अरू चबै सैमैं म्रेंन्ले चल् योंमल। दिलेया क्हेमैंइ ङि ताँन् फोतेंन् सैबर क्यु आयोंबै क्ल्ह्‍योर पखइमुँ।”

यूहन्‍ना 5:34

“दिलेया ङइ चैदिबै ग्वाइ म्हिमैंल् आङिं, बरु क्‍हेमैं जोगेल् योंरिगे बिसि ङइ चु ताँ बिब् ग।

चेला चिब्मैंए केमैं 12:6

हेरोदइ पत्रुस बैरु तेसि म्हिमैंए उँइँर पखल् म्हैबै म्हुँइँसर पत्रुस सँउँलि ङ्हिंइ फैसि सिपाइ ङ्हिंए म्हाँजोर रोरिल। धै अरू सिपाइमैं या झेलए म्राए ओंसों रूँरिल।

चेला चिब्मैंए केमैं 21:33

च पल्टनर्बै चिब खसि पावल क्हासि सँउँलि ङ्हिंइ फैबर ल्हैदिइ। धै “चु म्हि खाब् जा? चुइ तो लइ?” बिसि चर्बै म्हिमैंने ङ्योएइ।

चेला चिब्मैंए केमैं 25:14

चमैं चर दे त्हिंइ टिबै लिउँइँ फेस्तसइ म्रुँने पावलए मुद्दाए बारेर छले ताँ लइ: “फेलिक्सइ च्युथेंबै म्हि घ्रि चुर मुँ।

रोमी 10:1

ओ अलि-अङाँमैं, ङए सैं न्‍होंउँइँलेन् यहूदीमैंलाइ परमेश्‍वरजी जोगेमिंरिगे बिब ङए थेबै इच्छा मुँ, चमैंइ खोंयोंइ आखाँबै छ्ह योंरिगे बिसि ङइ परमेश्‍वरने प्राथना लम्।

१ कोरिन्थी 4:8

क्‍हेमैंइ चैदिबै सैमैं तोन्दोंरि योंल् खाँइमुँ वा? क्‍हेमैं प्‍ल्‍होल् खाँइमुँ वा? ङि आरेल्‍लै या क्हेमैं म्रुँ तइमुँ वा? ओं, ङि या क्‍हेमैंने बालुन् ग्याल्स लल् खाँरिगे बिसि क्‍हेमैंइ क्‍ह्रोंसेंन ग्याल्स लस्याँ तमल!

१ कोरिन्थी 7:7

ङए सैंरम् क्‍हेमैं ताँन् ङ धोंलेन् ब्ह्‍या आलल्‍ले टिरिगे ङ्हाँइमुँ। दिलेया ताँन् म्हिलाइ परमेश्‍वरजी स्‍यो-स्‍योबै बरदान पिंइमुँ। कोइलाइ घ्रि खालर्बै बरदान पिंइमुँ बिस्याँ, कोइलाइ अर्कोन् खालर्बै बरदान पिंइमुँ।

२ कोरिन्थी 11:1

ङ तोइ बुद्धि आरेबै म्हि धों तलेया क्‍हेमैंइ सैदिल् खाँस्‍याँ छ्याँब तमल बिब ङए सैं मुँ। गार आम्हाँदिल्‍ले ङए ताँ थेमिंन् ओ!

एफिसी 6:20

धै ङइ खैले पोंल् त्हुम् छलेन आङ्हिंन्ले पोंल् खाँरिगे बिसि ङए ल्हागिरै या प्राथना लमिंन्।

कलस्सी 1:28

ताँन् म्हिमैं ख्रीष्‍टर भोंसि तरिगे बिसि ङिइ ख्रीष्‍टउँइँले खबै बुद्धिए ताँमैं लोमिंदै ताँन् म्हिमैंने न्ह क्रों मि क्रोंले टिद् बिम्।