चेला चिब्मैंए केमैं 26:25 - परमेश्‍वरए ताँ तमु क्युइर

²⁵ दिलेया पावलइ बिइ, “ओ चिब फेस्‍तस, ङ सोबाल् तब् आङिं। ङइ क्ह्रोंसेंन्बै नेरो च्हैंसि मैंसि ताँमैं पोंमुँ।

चेला चिब्मैंए केमैं 26:25 ပူးပေါင်းရင်းမြစ်များ

लूका 1:3

छतमा ङज्‍यै या चु ताँन् के ओंसों ओंनोंन् खैले तइ बिसि छेन्‍ले मैंसि क्‍हिए ल्हागिर ओंसोंउँइँले लिउँइँ समा तबै ताँमैं तों फ्यार्ले प्‍ह्रिब ठिक तलै ङ्हाँसि प्ह्रिइमुँ।

यूहन्‍ना 8:49

येशूजी बिइ, “ङलाइ मोंइ आस्‍याइमुँ। ङ ङए आबाए मान लमुँ, दिलेया क्‍हेमैंइ ङलाइ म्हि आच्‍हिइमुँ।

चेला चिब्मैंए केमैं 23:26

“ओ चिब, क्रथे फेलिक्‍स, ङ क्‍लौडियस लुसियसउँइँले छ्याज्यालो मुँ!

चेला चिब्मैंए केमैं 24:3

छतसि चु ताँ खोंयोंन् बिलै ताँन् क्ल्ह्‍योर ङिइ सैं तोंसि म्हाँदिम्।

तीतस 1:9

चलाइ लोमिंबै क्ह्रोंसेंन्बै ताँर च भोंसि तल् त्हुम्, धै चइ क्ह्रोंसेंन्बै ताँ छेनाले लोमिंल् खाँरिगे, खाबज्यै खिइ लोमिंबै ताँ थोसि खेंमैंए स्योलिबै ताँमैं लोमिंल् म्हैस्याँ चइ “क्हेमैंए ताँ स्योर ग” बिसि बिल् खाँरिगे।

१ पत्रुस 3:15

बरु ह्रोंसए सैं न्‍होंरि ख्रीष्‍टलाइ “प्रभु” मैंसि खीए सेवा छेनाले लद्। खाबज्यै या “क्हेमैंइ ख्रीष्‍टए फिर बिश्‍वास लसि तो योंम्?” बिसि ङ्योएस्याँ छ्याँबै सुँले ह्रिस आखल्‍ले ज्वाफ पिंबर खोंयोंइ बिले तयार तद्।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।