चेला चिब्मैंए केमैं 26:20 - परमेश्‍वरए ताँ तमु क्युइर

²⁰ ङ ओंसों डमस्‍कस नेरो यरूशलेम सहरजरे, यहूदीमैंए ताँन् ह्‍युलरि, झाइले अरू ह्रेंमैंए ह्‍युलरै या ह्‍यासि पाप केमैं पिसि परमेश्‍वरउँइँ सैं एद् धै ह्रोंसइ सैं एइ बिब उँइँबर छ्याँबै केमैं लल् त्‍हुम् बिसि लोमिंइ।

चेला चिब्मैंए केमैं 26:20 ပူးပေါင်းရင်းမြစ်များ

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

मत्ती 3:2

“पाप लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स चेंदोन् खइमुँ।”

मत्ती 3:8

बरु परमेश्‍वरउँइँ सैं एसि छ्याँबै केमैं लसि उँइँन्।

मत्ती 4:17

येशू कफर्नहुम नाँसर टिबै त्हे ओंनोंन् म्हिमैंने “पाप केमैं लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स (राज्‍य) चेंदोन् खइमुँ बिबर होंइ।”

मत्ती 9:13

क्‍हेमैं ह्‍यासि चु ताँए अर्थ तो मुँगे खेसि क्होद्, ‘ङ ख्रो आम्है, ल्हयो खब्मैं म्रोंसि ङ सैं तोंम्।’ धर्मि प्हैंब्मैंलाइ हुइबर ङ युब् आङिं, पापिमैं हुइबर युब् ग।”

मर्कूस 6:12

च लिउँइँ चेलामैं छाइले त्‍होंह्‍यासि “ताँन् म्‍हिमैंने ह्रोंसए आछ्याँबै बानि पिसि परमेश्‍वरउँइँ सैं एद्,” बिसि बिप्रइ।

लूका 1:16

चइ इस्राएल ह्रेंर्बै ल्‍हें म्‍हिमैंलाइ खेंमैंए याहवेह परमेश्‍वर ङाँइ एपखब्मुँ।

लूका 13:3

ङ क्‍हेमैंने बिमुँ, छले आङिं। ताँन् म्‍हिमैं पापिन् मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं या छलेन् नास तब्‍मुँ।

लूका 13:5

ङ क्‍हेमैंने बिमुँ, छले आङिं, ताँन् म्‍हिमैं पापि मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं ताँन् छलेन् नास तब्‍मुँ।”

लूका 15:10

ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

चेला चिब्मैंए केमैं 11:18

चु ताँ थेसि यरूशलेमर्बै बिश्‍वासीमैंइ पत्रुसलाइ छ्याब् ल्‍हैदिब् पिवाइ, धै “तारे अरू ह्रेंर्बै म्हिमैंज्यै या मुक्‍ति योंरिगे बिसि परमेश्‍वरजी चमैंलाइ सैं एबै मौका पिंना!” बिसि चमैंइ ताँ क्होइ। झाइले चमैंइ परमेश्‍वरए मिं क्वेइ।

चेला चिब्मैंए केमैं 15:19

“छतसि परमेश्‍वरउँइँ सैं एबै अरू ह्रेंमैंलाइ ङ्योइ दुःख आपिंले बिब ङए सैं मुँ,

चेला चिब्मैंए केमैं 17:30

छतसि म्हिमैंइ ओंसोंन् परमेश्‍वर ङो आसेमा लबै केमैं खीजी वास्ता आल। तारे परमेश्‍वरजी ताँन् क्ल्ह्‍योर्बै म्हिमैंइ ह्रों-ह्रोंसइ लबै पाप केमैं पिसि परमेश्‍वरउँइँ सैं एद् बिसि बिइमुँ।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

चेला चिब्मैंए केमैं 26:17

क्हिए ह्रेंमैं नेरो अरू ह्रेंमैं ङाँर ङइ क्हिलाइ कुल्मिंब्मुँ। चमैंउँइँले ङइ क्‍हिलाइ जोगेमिंब्मुँ।

चेला चिब्मैंए केमैं 26:19

“छतसि, ओ अग्रिपास म्रुँ, स्‍वर्गउँइँले बिबै ताँ ङइ ङिंइ।

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

चेला चिब्मैंए केमैं 9:35

च छले सब् म्रोंसि लुड्डा नाँस नेरो शारोन बिबै ह्‍युलर टिबै ताँन् म्‍हिमैं प्रभुउँइँ सैं एइ।

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

२ कोरिन्थी 3:16

दिलेया खाब्मैंइ सैं एसि याहवेहउँइँ तोमुँ चमैंए सैंलाइ हुथेंबै क्‍वें खीजी स्‍योवाब्मुँ।

२ कोरिन्थी 7:10

तलेबिस्याँ परमेश्‍वरउँइँले खबै न्हुँइ लमा क्हेमैंइ आछ्याँबै के लब् पिसि खोंयोंइ आखाँबै छ्ह योंम्। खीए छ्याँबै घ्‍याँर प्रमा ङ्यो खोंयोंइ पछुत् खल् आत्‍हु। दिलेया ह्‍युलउँइँले खबै न्हुँइ बिस्याँ ङ्यो नास लवाम्।

एफिसी 4:17

छतसि प्रभुए मिंर ङ क्हेमैंने चु ताँ बिमुँ, परमेश्‍वर आम्हाँदिब्मैं ह्रोंसए सैंर मैंबै आछ्याँबै केर आफेबै ताँमैंए लिलि प्रब् धोंले तारे क्‍हेमैं आप्रद्।

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

दर्शन 16:11

झाइले चमैंलाइ बेल्‍ले नल् लबै घा नेरो रुँइ दुःख पिंमा चमैंइ स्वर्गर्बै परमेश्‍वरए फिर गाल् केइ। दिलेया चमैं खेंमैंइ लबै पापउँइँले अझै सैं आए।

दर्शन 2:21

ङइ चलाइ पापउँइँले सैं एबै मौका पिंइ, दिलेया चइ ब्यभिचार लबै पापउँइँले एबै सैं आलइमुँ।

दर्शन 2:5

क्हिइ लबै आछ्याँबै केमैं मैंन्। च आछ्याँबै केमैंउँइँले सैं एसि ओंसों लब् धोंले तोगोइन ङलाइ म्हाँया लद्। छ आलस्‍याँ ङइ क्‍हेमैंए पानस चए क्‍ल्‍होउँइँले स्‍योवाब्‍मुँ।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।