चेला चिब्मैंए केमैं 26:2 - परमेश्‍वरए ताँ तमु क्युइर

² “ओ अग्रिपास म्रुँ! यहूदीमैंइ ङए फिर ल्हैदिबै ताँन् छ्याबए बारेर्बै ताँमैंउँइँले ह्रोंसलाइ जोगेबर तिंयाँ ङइ क्हिए उँइँर बिल् योंमा ङ बेल्‍ले ङ्‍हो सब् मुँन ङ्हाइमुँ!

चेला चिब्मैंए केमैं 26:2 ပူးပေါင်းရင်းမြစ်များ

भजनमैं 119:46

म्रुँमैंए उँइँर क्हिजी बिबै ताँमैंए बारेर ङ पोंब्मुँ, धै ङ फापिल् त्हुरिब् आरे।

मत्ती 10:19

दिलेया चमैंइ क्‍हेमैंलाइ क्‍हामा क्‍हेमैंइ खैले पोंब् ङ्‍हे तो बिल् त्हुब् ङ्‍हे बिसि ओंसोंन् न्हुँ आलद्। क्‍हेमैंइ तो पोंल् त्‍हुम् बिसि च त्हेर्न परमेश्‍वरजी क्‍हेमैंने बिमिंब्मुँ।

लूका 12:11

“झाइले म्हिमैंइ क्‍हेमैंलाइ च्हों धिंर्बै चिब्मैं नेरो क्रथेमैं ङाँर क्हाबोमा ‘ङइ तो पोंब् ङ्‍हे? ङइ तो बिल् त्‍हुब् ङ्‍हे?’ बिसि न्हुँ आलद्।

लूका 21:12

चु ताँन् सैमैं तब् भन्दा ओंसों म्हिमैंइ क्हेमैंलाइ ह्रुगुदिब्‍मुँ। चमैंइ क्‍हेमैं क्हासि च्हों धिंजरे बोसि क्हेमैंए मिंर मुद्दा झोंसि झेलर च्युवाब्‍मुँ। क्हेमैंइ ङए मिं किंबइले म्रुँमैं नेरो क्रथेमैंए उँइँर बोब्‍मुँ।

चेला चिब्मैंए केमैं 25:26

दिलेया चुए बारेर ङइ रोमी थेबै म्रुँलाइ प्ह्रिबै ताँमैं तोइ आरे। छतसि ङइ चु म्हि क्हेमैंए उँइँर नेरो खास लइरि अग्रिपास म्रुँए उँइँर पखइमुँ। ङ्योइ चने ताँमैं ङ्युँलु-च्युलु लबै लिउँइँ चुए बारेर ङइ रोमी म्रुँलाइ ताँमैं प्ह्रिल् योंब्मुँ।

चेला चिब्मैंए केमैं 26:1

च लिउँइँ अग्रिपासइ पावलने बिइ, “तारे क्‍हिइ ह्रोंसए ताँ बिद्।” छबिमा पावलइ यो स्‍योंसि ह्रोंसलाइ जोगेबै ताँ छले बिबर होंइ,

चेला चिब्मैंए केमैं 26:19

“छतसि, ओ अग्रिपास म्रुँ, स्‍वर्गउँइँले बिबै ताँ ङइ ङिंइ।

चेला चिब्मैंए केमैं 26:26

अग्रिपास म्रुँइ चु ताँए बारेर सेइमुँ। छतसि चए उँइँर ङ आङ्हिंन्ले पोंइँनमुँ। खिइ चु तोन्दोंरि ताँ सेइमुँ, तलेबिस्याँ चु ताँ खाबज्यै आसेल्‍ले लबै ताँ आङिं।

चेला चिब्मैंए केमैं 26:3

यहूदीमैंए ताँन् रोसमैं नेरो छलफल लबै ताँमैं क्हिइ छेनाले सेइमुँ। छतसि गार आम्हाँदिल्‍ले ङए ताँ थेमिंन् बिसि ङ यो छ्युँ लमुँ।

चेला चिब्मैंए केमैं 26:7

परमेश्‍वरजी फैबै बाछा योंबर ङ्योए च्युसे ङ्हिं कुलमैंइ त्हिंयाँ, म्हुँइँस सैं घ्रिले खीए मिं क्वेरिम्। ओ म्रुँ, छले ङज्यै या चु आशा थेंबइले ङए फिर यहूदीमैंइ छ्याब् ल्हैदिइमुँ।