चेला चिब्मैंए केमैं 26:17 - परमेश्‍वरए ताँ तमु क्युइर

¹⁷ क्हिए ह्रेंमैं नेरो अरू ह्रेंमैं ङाँर ङइ क्हिलाइ कुल्मिंब्मुँ। चमैंउँइँले ङइ क्‍हिलाइ जोगेमिंब्मुँ।

चेला चिब्मैंए केमैं 26:17 ပူးပေါင်းရင်းမြစ်များ

भजनमैं 34:19

ठिक के लबै म्हिए फिर ल्हें दुःखमैं खमुँ, दिलेया याहवेहजी चए ताँन् दुःखउँइँले फ्रेमिंम्।

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 16:39

छतसि चमैं खसि पावल नेरो सिलासने क्षमा ह्रिइ, धै चमैं झेलउँइँले बैरु बोमा “गार आम्हाँदिल्‍ले सहर पिसि ह्‍यामिंन् ओ!” बिसि यो छ्युँ लइ।

चेला चिब्मैंए केमैं 17:10

झाइले च तोंदोंन् प्रभुए फिर बिश्‍वास लबै अलि-अङाँमैंइ पावल नेरो सिलास म्‍हुँइँसर्न बेरिया सहरउँइँ कुल्मिंइ, चमैं चर फेनेसि यहूदीमैंए च्हों धिं न्होंर ह्‍याइ।

चेला चिब्मैंए केमैं 17:14

च तोंदोंन् बेरियार्बै प्रभुए फिर बिश्‍वास लबै अलि-अङाँमैंइ पावल मा ङ्युँइए रेजरे कुल्मिंइ। सिलास नेरो तिमोथी बिस्याँ चर्न टिइ।

चेला चिब्मैंए केमैं 18:10

“आङ्हिंन्! आपोंन्ले आटिद्, सैं तोंबै ताँ बिमिंदै ह्‍याद्। ङ क्हिने बालु मुँ। छतसि खाबज्यै या क्हि तोइ लल् आखाँ, तलेबिस्याँ चु सहरर ङला ल्हें म्हि मुँ।”

चेला चिब्मैंए केमैं 25:3

चमैंइ पावल घ्याँर्न सैवाबै सैं लसि, “पावल यरूशलेमर कुल्‍मिंन्,” बिसि फेस्‍तसने यो छ्युँ लइ।

चेला चिब्मैंए केमैं 28:28

छतसि ‘परमेश्‍वरजी म्हिमैं जोगेमिंब्‍मुँ,’ बिबै सैं तोंबै ताँ अरू ह्रेंर्बै म्हिमैंए ल्हागिर खीजी पिमिंइँमुँ, धै चमैंज्यै थेब्‍मुँ, बिसि क्‍हेमैं था सेल् त्‍हुम्।”

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

रोमी 11:13

ङइ चु ताँमैं क्‍हेमैं अरू ह्रेंमैंलाइ बिमुँ: अरू ह्रेंर्बै म्‍हिमैंए ल्हागिर ङ कुल्मिंबै चेला चिब तबइले क्हेमैंए ल्हागिर के लल् योंमा ङ सैं तोंइमुँ।

रोमी 15:16

तलेबिस्याँ परमेश्‍वरजी ङलाइ अरू ह्रेंमैंए ल्हागिर येशू ख्रीष्‍टए सेवा लबै म्‍हि तल् पिंइमुँ। छतसि ख्रो पिंबै खेगिमैंइ परमेश्‍वरजी खोबै भेटि पिंब् धोंले ङइ सैं तोंबै ताँ बिमिंसि अरू ह्रेंमैंलाज्यै परमेश्‍वर ङाँर पमुँ। चमैंलाइ पबित्र प्ल्हजी चोखो लसि चमैं परमेश्‍वरजी खोबै भेटि तइमुँ।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।

२ तिमोथी 1:11

चु सैं तोंबै ताँ बिप्रबै ल्हागिर्न ङ कुल्मिंबै चेला चिब तसि म्हिमैंलाइ लोमिंबर परमेश्‍वरजी ङलाइ त्हाँइ।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।