चेला चिब्मैंए केमैं 25:8 - परमेश्‍वरए ताँ तमु क्युइर

⁸ पावलइ ह्रोंसए बारेर पोंदै छ बिइ, “ङइ यहूदीमैंए ठिमए बिरोधर, मन्दिरए बिरोधर नेरो कैसरए बिरोधर तोइ आछ्याँबै के आलइमुँ।”

चेला चिब्मैंए केमैं 25:8 ပူးပေါင်းရင်းမြစ်များ

उत्पत्ति 40:15

तलेबिस्याँ क्ह्रोंसेंन म्हिमैंइ ङलाइ हिब्रूमैंए ह्‍युलउँइँले क्हासि पखब् ग। धै चुरै या झेलर टिल् त्हुबै के ङइ तोइ आलल।”

चेला चिब्मैंए केमैं 23:1

पावलइ थेबै म्हि च्हों ङाँइ ङ्ह्‍योसि बिइ, “ओ आघें-अलिमैं, तिंयाँबै त्हिंइ समा परमेश्‍वरए उँइँरि ङइ छ्याँबै छ्ह थोइमुँ बिसि ङए सैंइ बिम्।”

चेला चिब्मैंए केमैं 24:12

चुमैंइ ङ खाब्ने या प्होंरिब आस्याइमुँ, धै मन्दिरर, च्हों धिंजरे, नेरो सहरर्बै म्हिमैंलाज्यै या सुरेदिरिब चुमैंइ आस्याइमुँ,

चेला चिब्मैंए केमैं 24:14

ङ क्हिए उँइँर चु ताँ बिमुँ: चु मुक्‍ति पिंबै घ्याँने चुमैंइ स्योर्गु घ्याँ बिम्, दिलेया ङ च घ्याँर प्रसि ङए खेमैंए परमेश्‍वरए मिं क्वेम्। धै मोशाइ पिंबै ठिमर मुँबै ताँ नेरो स्योंम्बै अगमबक्‍तामैंइ प्ह्रिबै कितबमैंर बिबै ताँन् ताँ ङइ क्वेंम्।

चेला चिब्मैंए केमैं 24:6

चुइ यरूशलेमर्बै मन्दिर या अशुद्ध लल् म्हैल। छतसि ङिइ चुलाइ क्हाइ। [ङिए ठिमइ बिब् धोंले चुलाइ सजैं पिंदा ङ्हाँल।

चेला चिब्मैंए केमैं 25:10

पावलइ बिइ, “ङ कैसर म्रुँए निसाफ लबै क्‍ल्‍ह्‍योर्न रारिइमुँ, चुर्न ङए निसाफ तल् त्‍हुम्। यहूदीमैंला ङइ तोइ न्होह्रों आलइमुँ। चु ताँ क्हिज्यै या छेनालेन् सेइमुँ।

चेला चिब्मैंए केमैं 28:17

सोंरो लिउँइँ पावलइ चर्बै यहूदीमैंए चिबनाँब्मैं हुइसि खागु लइ। चमैं खागु तबै लिउँइँ पावलइ चमैंने बिइ, “ओ अलिमैं, ङ्योए ह्‍युलर्बै म्हिमैं नेरो ङ्योए खेमैंए रोसमैंए बिरोधर ङइ तोइ आछ्याँबै के आलल। दिलेया म्हिमैंइ ङ यरूशलेमर क्हासि रोमीमैंए योर पिंवाइमुँ।

चेला चिब्मैंए केमैं 28:21

पावलए ताँ थेसि चमैंइ बिइ, “ङिइमि क्हिए बारेर यहूदीया ह्‍युलउँइँले तोइ प्ह्रिछ्या आयोंइँमुँ। धै अलि-अङाँमैं खाबै खसि क्हिए बिरोधर आछ्याँब ताँ तोइ आपोंइँमुँ।

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।