चेला चिब्मैंए केमैं 25:7 - परमेश्‍वरए ताँ तमु क्युइर

⁷ पावल फेखबै तोंदोंन् यरूशलेमउँइँले युबै यहूदीमैं चए कारग्युले रासि चए बिरोधर बेल्‍ले आछ्याँबै छ्याब्मैं ल्हैदिइ। दिलेया चमैंइ खेंमैंइ ल्हैदिबै छ्याब्मैंला तोइ प्रमाण पिंल् आखाँल।

चेला चिब्मैंए केमैं 25:7 ပူးပေါင်းရင်းမြစ်များ

एस्तर 3:8

झाइले हामानइ म्रुँ अहासूरसने बिइ, “क्हिए ग्याल्सर मुँबै ह्रेंमैंए म्हाँजोर छाबै ह्रें घ्रि मुँ, चमैंए रोस अरू म्हिमैंल् भन्दा स्योन् मुँ। चमैंइ म्रुँए कानुनमैं आम्हाँदि, छतसि म्रुँए ल्हागिर चमैं ठिक आरे।

भजनमैं 27:12

शत्तुरमैंए योर ङलाइ आपिंमिंन्; तलेबिस्याँ ङए बिरोधर स्योर ताँ पोंब्मैं रेइमुँ, चमैं सैब् म्‍लोब् लब् बिसि प्रइमुँ।

भजनमैं 35:11

स्योलिबै ताँ पोंब्मैं खसि ङइ था आसेबै ताँमैंए बारेर ङए फिर छ्याब् ल्हैदिम्।

मत्ती 15:1

यरूशलेमउँइँले को-कोइ फरिसीमैं नेरो शास्‍त्रिमैं खसि येशूने ङ्योएइ,

लूका 23:10

चर रारिबै ख्रो पिंबै खेगि चिब्मैं नेरो शास्‍त्रिमैं बिस्याँ येशूए बिरोधर सार-सारले ओरदै खीए फिर छ्याब् ल्‍हैदिबर होंइ।

लूका 23:2

“चुइ ‘रोमी म्रुँलाइ बालि फोल् आत्‍हु,’ बिम्, धबै ‘ङ ख्रीष्‍ट म्रुँ ग,’ बिसि चुइ ङ्योए म्हिमैं भाँडिवाइ,” बिसि चमैंइ येशूए फिर छ्याब् ल्हैदिबर होंइ।

चेला चिब्मैंए केमैं 21:28

“ओ इस्राएलर्बै म्हिमैं, ङि ल्होमिंन्! तलेबिस्याँ चु खन्तोंदोंबै म्हिमैंने ङ्योए ह्रें, ङ्योए ठिम नेरो चु मन्दिरए बिरोधर लोमिंदै प्रबै म्हि चुन् ग। च्हौ मत्‍त्रे आङिं, चुइ ग्रिकमैं या चु मन्दिर न्होंर पखसि ङ्योए पबित्र क्ल्ह्‍यो अशुद्ध लवाइमुँ,” बिदै चमैं ओरबर होंइ।

चेला चिब्मैंए केमैं 24:13

तोगो ङए फिर छ्याब् ल्हैदिरिबै ताँरै या चुमैंइ प्रमाण पिंल् आखाँ।

चेला चिब्मैंए केमैं 25:24

च लिउँइँ फेस्‍तसइ बिइ, “ओ अग्रिपास म्रुँ नेरो चुर मुँबै ताँन् चिबनाँब्मैं! क्‍हेमैंइ चु म्हि म्रोंइँमुँ। ताँन् यहूदीमैंइ चु म्हि तारे सैवाल् त्हुम् बिसि यरूशलेमर नेरो चुरै या ङने यो छ्युँ लइमुँ।

१ थेसलोनिकी 2:16

अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।