चेला चिब्मैंए केमैं 25:11 - परमेश्‍वरए ताँ तमु क्युइर

¹¹ ङइ परमेश्‍वरए ठिममैं आम्‍हाँदिस्‍याँ, सिल् त्हुबै के या ङइ लस्‍याँ, ङ सिबरै या तयारन् मुँ। दिलेया यहूदीमैंइ ङए फिर ल्‍हैदिबै ताँन् छ्याब्मैं क्‍ह्रोंसेंन् आङिंस्‍याँ ङ चमैंए योर खाबज्‍यै पिंल् आखाँ। छतसि ङए ताँ थेमिंन् बिसि थेबै कैसर म्रुँनेन् ङ यो छ्युँ लम्।”

चेला चिब्मैंए केमैं 25:11 ပူးပေါင်းရင်းမြစ်များ

चेला चिब्मैंए केमैं 16:37

दिलेया पावलइ पुलिसमैंने बिइ, “ङि रोमी नागरिकमैं मुँलेया चमैंइ तोइ छ्याब् आस्यालेया ताँन् म्हिमैंए उँइँर धोंसि झेलरै या च्युवाइ। तारे म्हिमैंइ आसेल्‍ले ङिलाइ तेल् म्हैल् वा? छ तल् आखाँ। चमैं खेंमैंन् खसि ङि तेइ बोरिगे।”

चेला चिब्मैंए केमैं 18:14

झाइले पावल पोंबि छेमा गलियोनइ च यहूदीमैंने बिइ, “ओ यहूदीमैं, क्ह्रोंसेंन चुइ तोइ अनिया नेरो आछ्याँबै के लस्याँ ङइ क्हेमैंए ताँ थेसि निसाफ लल् त्हुमल।

चेला चिब्मैंए केमैं 22:25

झाइले सिपाइमैंइ पावललाइ ट्हिबिए छोइ फैबर होंमा पावलइ चेंदो रारिबै कप्‍तानने “तोइ छ्याब् आरेबै रोमी नागरिकलाइ क्हेमैंइ कोर्राइ प्रुब ठिक मुँ वा?” बिसि ङ्योएइ।

चेला चिब्मैंए केमैं 25:10

पावलइ बिइ, “ङ कैसर म्रुँए निसाफ लबै क्‍ल्‍ह्‍योर्न रारिइमुँ, चुर्न ङए निसाफ तल् त्‍हुम्। यहूदीमैंला ङइ तोइ न्होह्रों आलइमुँ। चु ताँ क्हिज्यै या छेनालेन् सेइमुँ।

चेला चिब्मैंए केमैं 25:12

पावलए ताँ थेसि फेस्तसइ चिबनाँब्मैंने सल्‍ला लसि पावलने बिइ, “क्हिइ कैसर म्रुँ ङाँर ह्‍याम् बिबइले ङइ क्हि कैसर ङाँर्न कुलब्मुँ।”

चेला चिब्मैंए केमैं 25:21

दिलेया ‘रोमी थेबै म्रुँइ फैसला आलन् समा ङलाइ झेलर्न च्युथेंन्,’ बिसि पावलइ यो छ्युँ लइ। छतसि चलाइ कैसर म्रुँ ङाँर आकुलन् समा छेनाले रुँन् बिसि ङइ सिपाइमैंने ल्हैदिइ।”

चेला चिब्मैंए केमैं 25:25

दिलेया चु म्हि सैलन् त्हुबै केमैं ङइ तोइ आयों। धै चज्यै या रोमी थेबै म्रुँ ङाँर ह्‍याम् बिसि यो छ्युँ लबइले ङइ चु कुलबर होंइँमुँ।

चेला चिब्मैंए केमैं 26:32

धबै अग्रिपास म्रुँइ फेस्तसने बिइ, “चइ कैसर म्रुँ ङाँर चए मुद्दा फैसला लरिगे बिसि यो छ्युँ आलस्याँ पिवालै खाँमल।”

चेला चिब्मैंए केमैं 28:19

दिलेया यहूदीमैंइ बिरोध लबइले ङइ कैसर म्रुँ ङाँर ह्‍याल् योंरिगे बिसि यो छ्युँ ललन् त्हुइ। छान् तलेया ङए ह्रेंए बिरोधर तोइ छ्याब् पिंबै ताँ ङने आरेल।

१ थेसलोनिकी 2:15

च यहूदीमैंइ प्रभु येशू ख्रीष्‍ट नेरो स्योंम्बै अगमबक्‍तामैं सैवाइ, धै ङिलाज्यै या ल्‍हें दुःख पिंसि ल्‍हावाइ। छले चमैंइ ताँन् म्हिमैंए बिरोध लसि परमेश्‍वरए सैं नल् लइमुँ।