चेला चिब्मैंए केमैं 24:25 - परमेश्‍वरए ताँ तमु क्युइर

²⁵ दिलेया “ठिक के लल् त्हुम्, आछ्याँबै के आलबर ह्रोंसए सैं फैल् त्हुम्, तलेबिस्याँ परमेश्‍वरजी निसाफ लबै त्हिंइ खसिन् मुँ,” बिसि पावलइ बिरिमा फेलिक्स ङ्हिंयाँइ, धै “तोगो मुँरिगे। क्हि ह्‍याद्। मौका योंबै त्हेर ङइ क्हि हुइस्यो,” बिइ।

चेला चिब्मैंए केमैं 24:25 ပူးပေါင်းရင်းမြစ်များ

भजनमैं 11:7

तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 119:120

क्हिने ङ्हिंसि ङ त्हाररिमुँ, धै क्हिए निसाफमैं म्रोंसि ङ ङ्हिंइमुँ।

भजनमैं 45:7

ठिक केमैं लब क्हिजी खोमुँ, आछ्याँबै केमैं बिस्याँ क्हिजी आखो। छतसि परमेश्‍वर, क्हिए परमेश्‍वरजी क्हिए थुमैंलाइ भन्दा क्हिलाइ ल्हें आशिक पिंसि क्हिए सैं तोंन् लमिंइमुँ;

भजनमैं 72:2

धै क्हिए म्हिमैं नेरो दुःख योंब्मैंए फिर चइ ठिक निसाफ लब्मुँ।

भजनमैं 99:1

याहवेहजी ग्याल्स लम्; छतसि ह्रें-ह्रेंमैं त्हाररिगे! करूबमैंए म्हाँजोर खी क्हुँम्; पृथ्बी लारिगे!

हितोपदेश 16:12

ठिक के लबै म्रुँइ खोंयोंइ ग्याल्स लम्, तलेबिस्याँ छाबै म्रुँइ आछ्याँबै के तिफुँइ आखो।

मत्ती 22:5

दिलेया च न्हिम्‍तो लबै म्हिमैं थेबै न्हइ आलल्‍ले घ्रि ह्रोंसए म्रोंउँइँ ह्‍याइ, अर्को छों लबर ह्‍याइ।

यूहन्‍ना 16:8

झाइले पबित्र प्ल्ह युबै लिउँइँ ह्‍युलर्बै म्हिमैंलाइ पाप, धार्मिकता नेरो नियाए बारेर दोषि ठर्दिब्मुँ।

चेला चिब्मैंए केमैं 10:42

‘म्हिमैंने सैं तोंबै ताँ बिमिंबर’ धै ‘सोगोंमैं नेरो सियाब्मैंए निसाफ लबर परमेश्‍वरजी त्हाँबै म्हि येशून् ग,’ बिसि ङिलाइ ग्वाइ पिंबर परमेशजी ल्हैदिइमुँ।

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 17:2

पावल सोदा धोंलेन् यहूदीमैंए च्हों धिंर ह्‍याइ। धै सद सों समा प्रिबै त्हिंइर चमैंने छलफल लरिइ।

चेला चिब्मैंए केमैं 17:32

म्हि सिसि धबै सोगों तबै ताँ थेसि चमैं न्होंर्बै को-कोइ बिल्‍लि लइ। दिलेया अरूमैंइ बिइ, “चु ताँए बारेर क्हिए ताँ धबै ङि थेब्मुँ।”

चेला चिब्मैंए केमैं 2:37

चु ताँ थेसि चमैंए सैंर खैला तोला तइ। धै चमैंइ पत्रुस नेरो अरू कुल्मिंबै चेला चिब्मैंने “ओ आघें-अलिमैं, तारे ङिइ तो लले?” बिसि ङ्योएइ।

चेला चिब्मैंए केमैं 24:15

छ्याँब ने आछ्याँबै के लब्मैं ङ्हिंना-ङ्हिंन् सिइरि सोगों तम् बिसि चुमैंइ क्वेंब् धोंलेन् ङज्यै या परमेश्‍वरए फिर आशा थेंम्।

चेला चिब्मैंए केमैं 24:26

चइ पावलउँइँले मुइ योंम् उ ङ्हाँसि आशा या लल। छतसि चइ घरि-घरि ताँ लबर पावल हुइब्रें लमल।

चेला चिब्मैंए केमैं 26:28

अग्रिपासइ पावलने बिइ, “तिस्यार्न क्हिइ ङ ख्रीष्‍टियान लल् म्हैल् वा?”

चेला चिब्मैंए केमैं 9:6

तारे रेसि सहरर ह्‍याद्, क्‍हिइ तो लल् त्‍हुम् बिसि म्हि घ्रिइ क्हिने बिमिंब्‍मुँ।”

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

रोमी 14:12

छतमा ङ्यो ताँनइ ह्रों-ह्रोंसइ लबै केए हिसाब परमेश्‍वरलाइ बुजीदिल् त्‍हुम्।

रोमी 2:16

छतमा निसाफ लबै त्हिंइर परमेश्‍वरजी येशू ख्रीष्‍टउँइँले म्‍हिमैंए सैं न्‍होंर्बै ताँमैंए निसाफ लब्‍मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

२ कोरिन्थी 5:10

तलेबिस्याँ ख्रीष्‍टजी निसाफ लमा ङ्यो ताँन् खीए उँइँर राल् त्‍हुम्। ङ्यो सोगों मुँमा छ्याँबै के ललेया, आछ्याँबै के ललेया ह्रोंसइ लबै केए नों ङ्योइ योंब्‍मुँ।

२ कोरिन्थी 6:2

तलेबिस्याँ “क्‍हेमैंइ ग्वार ह्रिमा ङइ क्‍हेमैंए ताँ थेइ, झाइले जोगेमिंबै त्हिंइर ङइ क्‍हेमैंलाइ ल्होमिंइ।” बिसि परमेश्‍वरजी बिइमुँ। थेद्, परमेश्‍वरए दयाम्हाँया योंबै त्हे तोगोंन् ग, मुक्‍ति योंबै त्हिंइ तोगोंन् ग।

गलाती 3:22

दिलेया “ताँन् म्‍हिमैं पापए न्होंर मुँ” बिसि छ्वेइ बिइमुँ। छतसि परमेश्‍वरजी बाछा फैसि पिंम् बिबै खोंयोंइ आनुबै छ्ह येशू ख्रीष्‍टए फिर बिश्‍वास लबइले मत्‍त्रेन् योंइमुँ।

गलाती 5:23

कुरल् खाँब, आछ्याँबै केमैं आल बिसि सैं फैल् खाँब। चु ताँन् पबित्र प्ल्हए रोमैं ग। छाबै रोमैं मुँबै म्हिमैंए ल्हागिर ठिम आचैदि।

२ तिमोथी 4:1

तिगें येशू ख्रीष्‍ट ग्याल्स लबर युब्‍मुँ। च त्हेर खीजी सियाब्‍मैं नेरो सोगोंमैं ताँनए निसाफ लब्‍मुँ। छतसि क्हिइ लल् त्हुबै के तो जा बिबै ताँ ङइ येशू ख्रीष्‍ट नेरो परमेश्‍वर आबाए उँइँर क्हिने बिमुँ।

तीतस 1:8

बरु प्‍ह्रेंमैं मान लब, अरूमैं छयाँब्-क्ह्‍युब् तरिगे ङ्हाँब, ह्रोंसलाइ अधीनर थेंल् खाँब, ताँनइ पदेवा, पबित्र, नेरो आछ्याँबै केमैं आल बिसि ह्रोंसए सैं फैल् खाँबै म्‍हि तल् त्‍हुम्।

हिब्रू 12:21

चर म्रोंबै सै बेल्‍ले ङ्हिंन् ङ्हाँब मुँल, छतमा मोशाज्यै “ङ ङ्हिंसि त्‍हारइ” बिल।

हिब्रू 3:13

बरु खाबै या पापर आच्होरिगे धै क्हेमैं खाबज्यै या सैं सारो आलरिगे बिसि परमेश्‍वरए छ्वेर बिब् धोंले “तिंयाँबै त्हिंइ” मुँब् समा घ्रिइ घ्रिलाइ अर्थि पिंब्रें लद्।

हिब्रू 4:1

परमेश्‍वरजी खी टिबै क्ल्ह्‍योर भों न्हल् पिंम् बिसि ङ्योने फैबै बाछा अझै मुँ। छतसि न्ह क्रों मि क्रोंले टिद्, क्‍हेमैं न्‍होंरि खाबै या च भों न्‍हबै क्ल्ह्‍योउँइँले स्योवाल् आत्हुरिगे।

हिब्रू 6:2

बप्‍तिस्मा बारेर्बै ताँमैं, यो थेंसि आशिक पिंबै ताँमैं, परमेश्‍वरजी म्हिमैं सिबउँइँले धबै सोगों लमिंबै ताँमैं धै परमेश्‍वरजी म्हिमैंए निसाफ लमा खोंयोंइ दण्ड योंरिल् त्हुम् बिबै ताँमैं लाछेंरि आटिले।

हिब्रू 9:27

ताँन् म्‍हिमैं तिब्‍ले सिल् त्‍हुम्, धै सिबै लिउँइँ परमेश्‍वरजी लबै इन्‍साफर राल् त्‍हुम्।

याकूब 2:19

परमेश्‍वर घ्रि मत्‍त्रे मुँ बिबै ताँ क्‍हिइ क्वेंम्, चम् ङिंबन् ग! मोंमैंज्यै या छलेन् क्वेंम्, धै ङ्हिंसि त्‍हारम्।

१ पत्रुस 3:15

बरु ह्रोंसए सैं न्‍होंरि ख्रीष्‍टलाइ “प्रभु” मैंसि खीए सेवा छेनाले लद्। खाबज्यै या “क्हेमैंइ ख्रीष्‍टए फिर बिश्‍वास लसि तो योंम्?” बिसि ङ्योएस्याँ छ्याँबै सुँले ह्रिस आखल्‍ले ज्वाफ पिंबर खोंयोंइ बिले तयार तद्।

२ पत्रुस 1:6

च ज्ञान योंसि ह्रोंसलाइ ठिक अधीनर थेंन्। ह्रोंसलाइ ठिक अधीनर थेंसि दुःख ढुक्‍कले सैदिद्। च सैदिबै शक्‍ति योंसि परमेश्‍वरलाइ छेनले म्हाँदिद्।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 3:7

ओ ङइ खोबै कोलोमैं, क्‍हेमैंलाइ खाबज्‍यै या भाँड्याल्आखाँरिगे। प्रभु येशू ख्रीष्‍ट धोंले ठिक के लबै म्हि छ्याँबै सैं प्ह्‍याबै म्‍हि ग।