चेला चिब्मैंए केमैं 24:24 - परमेश्‍वरए ताँ तमु क्युइर

²⁴ दे त्हिंइ लिउँइँ फेलिक्स ह्रोंसए यहूदी प्ह्रेंस्यो द्रुसिल्‍लाने बालु खसि पावललाइ हुइइ। धै ख्रीष्‍ट येशूए फिर बिश्‍वास लबै बारेर्बै ताँ चउँइँलेन् थेइ।

चेला चिब्मैंए केमैं 24:24 ပူးပေါင်းရင်းမြစ်များ

मर्कूस 6:20

तलेबिस्याँ यूहन्‍ना ठिक के लबै पबित्र म्‍हि मुँ बिबै ताँ हेरोदइ सेल। छतसि हेरोद चने ङ्हिंसि सैल् आपिंल। यूहन्‍नाए ताँ थेमा हेरोद खैताखैता तमल दिलेया सैं तोंदै चए ताँ थेमल।

लूका 19:3

“येशू खाब् मुँगे” बिसि चइ ङ्‌‍ह्‍योबै सैं लइ। दिलेया मोब तबइले म्‍हिए हुलइ लमा चइ येशू म्रोंल् आखाँ।

लूका 23:8

येशूलाइ म्रोंल् योंमा हेरोद बेल्‍ले सैं तोंइ। तलेबिस्याँ येशूजी लबै थेबै केमैं नेरो छ्याँबै ताँमैं बारेर हेरोदइ ओंसोंन् थेल। छतसि ओंसों ओंनोंन् हेरोदए सैंर येशू म्रोंल् योंस्याँ तमल ङ्हाँरिल। धै येशूजी लबै औदिबै चिनु ङ्‍ह्‍योबै सैं मुँल।

चेला चिब्मैंए केमैं 16:31

झाइले चमैंइ बिइ, “प्रभु येशूए फिर बिश्‍वास लद्। छलस्याँ क्हि नेरो क्हिए परवाज्यै मुक्‍ति योंब्मुँ।”

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

चेला चिब्मैंए केमैं 24:25

दिलेया “ठिक के लल् त्हुम्, आछ्याँबै के आलबर ह्रोंसए सैं फैल् त्हुम्, तलेबिस्याँ परमेश्‍वरजी निसाफ लबै त्हिंइ खसिन् मुँ,” बिसि पावलइ बिरिमा फेलिक्स ङ्हिंयाँइ, धै “तोगो मुँरिगे। क्हि ह्‍याद्। मौका योंबै त्हेर ङइ क्हि हुइस्यो,” बिइ।

चेला चिब्मैंए केमैं 26:22

दिलेया तिंयाँबै त्हिंइ समा परमेश्‍वरजी ङलाइ जोगेमिंइमुँ। छतसि तिंयाँ चुर मुँबै थेब, च्योंब, ताँनए उँइँर चु ताँमैंए ग्वाइ पिंदै ङ चुर राल् योंइमुँ। अगमबक्‍तामैं नेरो मोशाइ लिउँइँ तखब्मुँ बिबै ताँमैं बाहेक अरू ङइ तोइ आबिइमुँ।

गलाती 2:16

दिलेया ‘यहूदीमैंए ठिम म्‍हाँदिसि म्हि ठिक आठर्दि, येशू ख्रीष्‍टए फिर बिश्‍वास लसि मत्‍त्रे म्हिमैं परमेश्‍वरए उँइँर ठिक ठर्दिम्,’ बिसि ङ्योइ था सेइमुँ। ठिमइ लद् बिबै के लबर्न परमेश्‍वरए उँइँर खाबै या ठिक ठर्दिल् आखाँ। छतसि ख्रीष्‍टए फिर बिश्‍वास लसि मत्‍त्रे ङ्यो परमेश्‍वरए उँइँर ठिक ठर्दिरिगे बिसि ङ्योज्यै या ख्रीष्‍ट येशूए फिर बिश्‍वास लइ।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

गलाती 3:2

ङ क्हेमैंने ताँ घ्रि ङ्योएम्: परमेश्‍वरए पबित्र प्ल्ह क्‍हेमैंइ खैले योंइ? ठिमइ बिब् धोंले लसि योंइ उ, सैं तोंबै ताँ थेसि क्वेंबइले योंइ?

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

यहूदाइ प्‍ह्रिबै प्ह्रिछ्या 1:3

ओ ङए खोबै थुमैं, ङ्यो ताँनइ योंबै मुक्‍तिए बारेर्बै ताँमैं प्‍ह्रिबै सैं ङल मुँल। दिलेया तोगो ङ्योइ बिश्‍वास लल् त्हुबै ताँए बारेर प्‍ह्रिल् त्‍हुइमुँ। खोंयोंन् बिलै तरिबै ल्हागिर परमेश्‍वरजी तिखेर्न खीए म्‍हिमैंलाइ च ताँ लोमिंल् खाँइ। च ताँ जोगेसि थेंन् बिबै ल्हागिर ङइ चु प्ह्रिछ्या प्ह्रिल् त्हुदा ङ्हाँइ।

दर्शन 14:12

दिलेया परमेश्‍वरए म्‍हिमैं बिस्याँ आङ्हिंन्ले ढुक्‍क तसि बिश्‍वासर भोंब तल् त्हुम्।