चेला चिब्मैंए केमैं 23:18 - परमेश्‍वरए ताँ तमु क्युइर

¹⁸ छबिमा कप्‍तानइ च कोलो चिब ङाँर बोसि बिइ, “ओ चिब, झेल न्होंर मुँबै पावलइ ङ हुइसि चु कोलो क्हि ङाँर बोमिंन् बिइ। चुइ क्हिने बिल् त्हुबै ताँ मुँ रो।”

चेला चिब्मैंए केमैं 23:18 ပူးပေါင်းရင်းမြစ်များ

लूका 7:40

येशूजी फरिसीए सैंर्बै ताँ सेसि “ओ सिमोन क्‍हिने ताँ घ्रि बिल् त्‍हुइमुँ,” बिइ। सिमोनइ बिइ, “तो ताँ मुँ गुरु? बिद्।”

यूहन्‍ना 18:12

च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

चेला चिब्मैंए केमैं 16:25

दिलेया म्‍हुँइँस आधाजरे पावल नेरो सिलास प्राथना लदै परमेश्‍वरए क्वेमैं प्रिंरिमा झेल न्होंर मुँबै म्हिमैंइ थेरिल।

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 23:19

चिबइ च कोलोए यो क्हासि तिराइ बोसि “क्हिइ ङने बिल् त्हुबै ताँ तो जा?” बिसि ङ्योएइ।

चेला चिब्मैंए केमैं 27:1

झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 28:17

सोंरो लिउँइँ पावलइ चर्बै यहूदीमैंए चिबनाँब्मैं हुइसि खागु लइ। चमैं खागु तबै लिउँइँ पावलइ चमैंने बिइ, “ओ अलिमैं, ङ्योए ह्‍युलर्बै म्हिमैं नेरो ङ्योए खेमैंए रोसमैंए बिरोधर ङइ तोइ आछ्याँबै के आलल। दिलेया म्हिमैंइ ङ यरूशलेमर क्हासि रोमीमैंए योर पिंवाइमुँ।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

फिलेमोन 1:9

दिलेया ङइ क्हिलाइ बेल्‍ले म्हाँया लसि ङइ क्हिने ताँ मत्‍त्रे थेंब् ग। ङ खेब् तयाइमुँ, येशू ख्रीष्‍टउँइँले खबै सैं तोंबै ताँ बिप्रइ बिसि छाबै खेब् तयाबै म्हि या झेलर टिल् त्हुइमुँ।