चेला चिब्मैंए केमैं 23:17 - परमेश्‍वरए ताँ तमु क्युइर

¹⁷ झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 23:17 ပူးပေါင်းရင်းမြစ်များ

हितोपदेश 22:3

बुद्धि मुँबै म्हिइ ह्रोंसए फिर दुःख खब ओंसोंन् म्रोंसि लोबै क्‍ल्‍ह्‍यो म्हैम्, दिलेया आमादु म्हि छाइन ह्‍याम् धै दुःख योंबर फेम्।

मत्ती 10:16

“ङ्‍ह्‍योद्! ङइ क्‍हेमैं प्याँगुमैंए म्हाँजोर क्यु धोंले कुलरिइमुँ। छतसि क्‍हेमैं प्‍हुरि धोंले बाठो, तोंगु धोंले सोजो तसि टिल् त्‍हुम्।

यूहन्‍ना 18:12

च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

चेला चिब्मैंए केमैं 22:26

चु ताँ थेसि कप्‍तानइ पल्टनर्बै चिब ङाँर ह्‍यासि “क्हिइ तो लल् म्हैल? चु म्हिम् रोमी नागरिक मुँन,” बिइ।

चेला चिब्मैंए केमैं 23:16

चमैंइ छले जाल रोबै ताँ था योंसि पावलए भान्जइ ब्यारेक न्होंर ह्‍यासि चु ताँ पावलने बिइ।

चेला चिब्मैंए केमैं 23:18

छबिमा कप्‍तानइ च कोलो चिब ङाँर बोसि बिइ, “ओ चिब, झेल न्होंर मुँबै पावलइ ङ हुइसि चु कोलो क्हि ङाँर बोमिंन् बिइ। चुइ क्हिने बिल् त्हुबै ताँ मुँ रो।”

चेला चिब्मैंए केमैं 23:23

च लिउँइँ पल्टनर्बै चिबइ कप्‍तानमैं न्होंर्बै म्हि ङ्हिं हुइसि बिइ, “तिंयाँ म्‍हुँइँसर्बै कु ह्राबै त्हेजरे सिपाइमैं ङ्हिंब्ब्रा, घोडा क्रेब्मैं ङिच्यु, धै बर्षा छेब्मैं ङ्हिंब्ब्रा कैसरियार ह्‍याबै ल्हागिर तयार लद्।”