चेला चिब्मैंए केमैं 23:15 - परमेश्‍वरए ताँ तमु क्युइर

¹⁵ छतसि क्हेमैं नेरो थेबै म्हि च्हों क्ह्रिसि रोमी पल्टनर्बै चिब ङाँर ह्‍यासि ‘पावलए फिर ल्हैदिबै मुद्दाए ताँर छेनाले फैसला लल् त्हुम्,’ बिसि स्योर तेसि बिद्। धै ‘चलाइ ब्यारकउँइँले तेइ पउ,’ बिद्। पावल चुर फेखउनो ङिइ च सैम्।”

चेला चिब्मैंए केमैं 23:15 ပူးပေါင်းရင်းမြစ်များ

भजनमैं 21:11

चमैंइ क्हिए बिरोधर आछ्याँबै ताँमैं मैंलेया, धै ङो चुसि क्हिए न्होह्रों लल् म्हैले या चमैंए सैंर मैंब् धों तरिब् आरे।

हितोपदेश 1:16

तलेबिस्याँ चमैं आतुरले पाप के लबर ह्‍याम्, धै चमैं म्हि सैबर खोंयोंन् बिलै युनन् छेम्।

हितोपदेश 4:16

तलेबिस्याँ दुष्‍ट म्हिमैं आछ्याँबै केमैं आलन् समा रोल् आखाँ; धै आगुए न्होह्रों आलन् समा न्हरु आख।

यूहन्‍ना 18:12

च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

चेला चिब्मैंए केमैं 22:30

दिलेया प्हँन्हाँग्धों यहूदीमैंइ पावलए फिर तो ताँर छ्याब् ल्हैदिगे बिसि पल्टनर्बै चिबइ क्होबै सैं लसि चलाइ प्ल्हमिंइ, धै ख्रो पिंबै खेगि क्रथेमैं नेरो थेबै म्हि च्हों खागु लसि पावल क्युरु पुइसि चमैंए उँइँर राल् पिंइ।

चेला चिब्मैंए केमैं 23:1

पावलइ थेबै म्हि च्हों ङाँइ ङ्ह्‍योसि बिइ, “ओ आघें-अलिमैं, तिंयाँबै त्हिंइ समा परमेश्‍वरए उँइँरि ङइ छ्याँबै छ्ह थोइमुँ बिसि ङए सैंइ बिम्।”

चेला चिब्मैंए केमैं 23:6

च थेबै म्हि च्होंर सदुकीमैंए टोलि नेरो फरिसीमैंए टोलि मुँन बिब सेसि पावलइ थेबै कैले बिइ, “ओ अलिमैं, ङम् फरिसीमैंए च्ह फरिसीन् ग। म्हि सिइरि धबै सोगों तब्मुँ बिबै आशा ङइ थेंबइले ङए फिर चु मुद्दा ल्हैदिइमुँ।”

चेला चिब्मैंए केमैं 25:3

चमैंइ पावल घ्याँर्न सैवाबै सैं लसि, “पावल यरूशलेमर कुल्‍मिंन्,” बिसि फेस्‍तसने यो छ्युँ लइ।