चेला चिब्मैंए केमैं 22:3 - परमेश्‍वरए ताँ तमु क्युइर

³ “ङ किलिकिया ह्‍युलर्बै टार्ससथें यहूदी ग, दिलेया ङ चु यरूशलेमर गमलिएल बिबै ङए गुरुए योउँइँले फारब् ग। धै ङ्योए खेमैंइ म्हाँदिबै रोसमैं ङइ छेनाले लोइमुँ। तिंयाँ क्‍हेमैंइ परमेश्‍वरलाइ सैं न्होंउँइँले म्‍हाँदिब् धोंले ङज्‍यै या खीलाइ म्‍हाँदिदा ङ्हाँइँमुँ।

चेला चिब्मैंए केमैं 22:3 ပူးပေါင်းရင်းမြစ်များ

लूका 10:39

मार्थाल मरियम मिं मुँबै अङाँ मुँल। मरियम प्रभु येशूए प्‍हले ङाँर क्हुँसि खीजी लोमिंबै ताँ थेरिल।

लूका 2:46

सोंरो लिउँइँ चमैं मन्दिरर ह्‍यामा येशू परमेश्‍वरए ठिम लोमिंबै म्हिमैंए म्हाँजोर क्हुँसि चमैंए ताँ थेसि चमैंने ताँमैं ङ्योएरिब स्याइ।

लूका 8:35

चमैंए ताँ थेसि “तो तगे” बिसि ङ्‌ह्‍योबर म्हिमैं येशू ङाँर खमा ओंसों मोंइ स्‍यासि सोबल् तबै म्‍हि सैं चिसि क्‍वें खिसि येशूए प्‍हले ङाँर टिरिब चमैंइ म्रोंइ। छाब् म्रोंसि चमैं ङ्हिंयाँइ।

चेला चिब्मैंए केमैं 11:25

झाइले बारनाबास शाऊल म्हैबर टार्सस बिबै सहर ह्‍याइ।

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

चेला चिब्मैंए केमैं 15:41

चमैं सिरिया नेरो किलिकियाजरे स्युरदै बिश्‍वासीमैं भोंब् लमिंदै प्रइ।

चेला चिब्मैंए केमैं 21:20

चु ताँ थेबै लिउँइँ चमैंइ परमेश्‍वरए मिं क्वेइ। धै च एल्डरमैंइ पावलने बिइ, “थेद् अलि, चुर यहूदीमैं न्होंरै या प्रभुए फिर बिश्‍वास लब्‍मैं ल्हेंन् मुँ। चमैंइ मोशाइ पिंबै ठिममैं या छेनाले म्हाँदिम्।

चेला चिब्मैंए केमैं 21:39

छबिमा पावलइ बिइ, “आङिं चिब। ङम् किलिकिया ह्‍यलर्बै टार्ससथें यहूदी ग। च टार्सस थेबै सहर ग। चु म्हिमैंने ङइ ताँ तिजी-ङ्हिजी बिल् पिंन् ओ।”

चेला चिब्मैंए केमैं 23:34

क्रथेइ प्ह्रिछ्या खेल् खाँसि पावलने “क्हि खाब् ह्‍युलर्बै जा?” बिसि ङ्योएइ। धै पावलइ “ङ किलिकिया ह्‍युलर्बै म्हि ग,” बिइ।

चेला चिब्मैंए केमैं 23:6

च थेबै म्हि च्होंर सदुकीमैंए टोलि नेरो फरिसीमैंए टोलि मुँन बिब सेसि पावलइ थेबै कैले बिइ, “ओ अलिमैं, ङम् फरिसीमैंए च्ह फरिसीन् ग। म्हि सिइरि धबै सोगों तब्मुँ बिबै आशा ङइ थेंबइले ङए फिर चु मुद्दा ल्हैदिइमुँ।”

चेला चिब्मैंए केमैं 26:5

ङ्योए यहूदीमैंए धर्म न्होंरि फरिसीमैं ताँन् भन्दा कट्टर टोलि मुँ। ङै या फरिसी तसि छ्ह थोमल बिसि ओंसों ओनोंन् चमैंइ सेइमुँ। चमैंइ बिदा ङ्हाँस्याँ चु ग्वाइ पिंल् खाँम्।

चेला चिब्मैंए केमैं 26:9

“ओंसों ङज्यै या नासरतर्बै येशूए मिंर खाँन् समा या बिरोध लल् त्हुम् बिसि मैंमल।

चेला चिब्मैंए केमैं 5:34

दिलेया गमलियल मिं मुँबै फरिसी थेबै म्हि च्होंए उँइँर राइ। च छ्वेर्बै ताँ ह्रब् सेब, ताँनइ म्हाँदिब, नेरो परमेश्‍वरए ठिम लोमिंबै म्हि मुँल। चइ सिपाइमैंने “चमैं तिस्याँदे बैरु कुलद्,” बिइ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

चेला चिब्मैंए केमैं 9:1

शाऊल अझै समा प्रभुए चेलामैंए बिरोध लसि सैबै धम्कि लदै यरूशलेमर्बै ख्रो पिंबै खेगि क्रथे ङाँर ह्‍याइ।

चेला चिब्मैंए केमैं 9:11

झाइले प्रभुजी चने बिइ, “रेसि ‘सिधा’ बिबै सहरए न्होंर्बै घ्याँर ह्‍याद्। चर यहूदा बिबै म्हिए धिंर शाऊल मिं मुँबै टार्ससथें म्हैद्। तलेबिस्याँ च प्राथना लरिइमुँ।

चेला चिब्मैंए केमैं 9:30

चु ताँ था सेसि येशूए फिर बिश्‍वास लबै आघें-अलिमैंइ शाऊल कैसरियार पखइ, धै च क्ल्ह्‍योउँइँले टार्ससर कुल्मिंइ।

रोमी 11:1

छ बिस्‍याँ परमेश्‍वरजी खीए यहूदी म्‍हिमैं त्‍याग्‍दिइ वा? आङिं, कत्ति आङिं! तलेबिस्याँ ङै या अब्राहमए सन्तानउँइँले फिबै बेन्‍यामिनए कुलर्बै इस्राइलि ग।

२ कोरिन्थी 11:22

चमैं हिब्रू क्‍युइ पोंल् खाँम्‍मा? ङै या पोंल् खाँम्। चमैं इस्राएलीमैं वा? ङै या इस्राएली ग। चमैंए खे अब्राहाम वा? ङए खे या अब्राहाम ग।

गलाती 1:14

ङए खेमैंइ म्हाँदिरिबै छ्यामैं ङइ बेल्‍ले छेन्ले म्हाँदिमल। यहूदी धर्म म्हाँदिबर ङए ह्रेंर्बै थुमैं न्होंर्बै ङ चिब मुँल।

गलाती 1:21

च लिउँइँ ङ सिरिया नेरो किलिकिया बिबै ह्‍युलउँइँ ह्‍याइ।